ನವದೆಹಲಿ: ಕೊರೋನವೈರಸ್ ಚಿಕಿತ್ಸೆಯಲ್ಲಿ ಮಲೇರಿಯಾ ನಿಯಂತ್ರಕ ಹೈಡ್ರೋಕ್ಸಿಕ್ಲೊರೊಕ್ವಿನ್ ಪರಿಣಾಮಕಾರಿ ಎಂದು ಅಮೆರಿಕಾ ಹೇಳಿದ ಹಿನ್ನೆಲೆಯಲ್ಲಿ ಜಗತ್ತಿನಾದ್ಯಂತ ಈ ಔಷಧಕ್ಕೆ ಭಾರೀ ಬೇಡಿಕೆಗಳು ಬಂದಿವೆ. ಎಲ್ಲಾ ದೇಶಗಳು ಈ ಔಷಧಕ್ಕಾಗಿ ಭಾರತಕ್ಕೆ ಮೊರೆಯಿಡುತ್ತಿವೆ.
ಅಮೆರಿಕಾ ಈ ಔಷಧವನ್ನು ಪಡೆಯಲು ಭಾರತಕ್ಕೆ ಬಹಳಷ್ಟು ಬೇಡಿಕೆಯನ್ನು ಇಟ್ಟಿತ್ತು. ಇದೀಗ ಬ್ರೆಜಿಲ್ ರಾಮಾಯಣದ ಸಂಜೀವಿನಿ ಸನ್ನಿವೇಶವನ್ನು ಉಲ್ಲೇಖಿಸಿ ಭಾರತಕ್ಕೆ ಔಷಧಿ ನೀಡುವಂತೆ ದುಂಬಾಲು ಬಿದ್ದಿದೆ.
ಹನುಮಾನ್ ಜಯಂತಿಯ ದಿನದಂದೇ ಅದು ಬೇಡಿಕೆಯನ್ನು ಇಟ್ಟಿದೆ.
“ಭಗವಾನ್ ಶ್ರೀ ರಾಮನ ತಮ್ಮ ಲಕ್ಷ್ಮಣನನ್ನು ಉಳಿಸಲು ಹನುಮಂತ ಹಿಮಾಲಯದಿಂದ ಸಂಜೀವಿನಿಯನ್ನು ತಂದಂತೆ ಮತ್ತು ಜೀಸಸ್ ರೋಗಪೀಡಿತರನ್ನು ಗುಣ ಪಡಿಸಿದಂತೆ ಭಾರತ ಮತ್ತು ಬ್ರೆಜಿಲ್ ಈ ಜಾಗತಿಕ ಬಿಕ್ಕಟ್ಟನ್ನು ಪರಸ್ಪರ ಹಂಚಿದ ಸಹಾಯದ ಮೂಲಕ ಎದುರಿಸಲಿದೆ” ಎಂದು ಬ್ರೆಜಿಲ್ ಹೇಳಿದೆ.
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.