ಕೋವಿಡ್ -19 ಗಾಗಿ ಭಾರತದ ಮೊದಲ ಮನೆಯಲ್ಲಿಯೇ ಪರೀಕ್ಷೆ ನಡೆಸುವ ಕಿಟ್ ಬಿಡುಗಡೆ ಮಾಡಿದೆ ಬಯೋನ್ ಸಂಸ್ಥೆ

ಬೆಂಗಳೂರು: ಕೊರೋನವೈರಸ್ ಸಾಂಕ್ರಾಮಿಕ ವಿರುದ್ಧ ಜಗತ್ತು ಹೋರಾಟವನ್ನು ನಡೆಸುತ್ತಿರುವ ಸಂದರ್ಭದಲ್ಲಿ, ಆನುವಂಶಿಕ ಮತ್ತು ಸೂಕ್ಷ್ಮಜೀವಿಯ ಪರೀಕ್ಷಾ ಸಂಸ್ಥೆ ಬಯೋನ್, ಕೊರೋನಾ ವಿರುದ್ಧ ಹೋರಾಡುವ ನಿಟ್ಟಿನಲ್ಲಿ ಒಂದು ಹೆಜ್ಜೆ ಮುಂದಿಟ್ಟಿದೆ.

ಭಾರತದ ಮೊದಲ ರಾಪಿಡ್ ಕೋವಿಡ್ -19 ಅಟ್-ಹೋಮ್ ಸ್ಕ್ರೀನಿಂಗ್ ಟೆಸ್ಟ್ ಕಿಟ್ ಅನ್ನು ಗುರುವಾರ ಬಿಡುಗಡೆ ಮಾಡಿದೆ.

ಪ್ರಪಂಚದಾದ್ಯಂತದ ತಜ್ಞರು ರೋಗದ ಹರಡುವಿಕೆಯನ್ನು ನಿಯಂತ್ರಿಸುವ ಸಲುವಾಗಿ ಹೆಚ್ಚಿನ ಪರೀಕ್ಷೆಯ ಅಗತ್ಯವನ್ನು ಒತ್ತಿಹೇಳಿದ್ದಾರೆ.

ಇಂಡಿಯನ್ ಕೌನ್ಸಿಲ್ ಆಫ್ ಮೆಡಿಕಲ್ ರಿಸರ್ಚ್ (ಐಸಿಎಂಆರ್) ಅನುಮೋದಿಸಿದ ಸುಲಭವಾದ ಕಿಟ್ ನಿಮಿಷಗಳಲ್ಲಿ ನಿಖರ ಫಲಿತಾಂಶಗಳನ್ನು ತೋರಿಸುತ್ತದೆ. ಪರೀಕ್ಷೆಯನ್ನು ನಡೆಸಲು, ಒಬ್ಬರು ತಮ್ಮ ಬೆರಳನ್ನು ಆಲ್ಕೋಹಾಲ್ ಸ್ವ್ಯಾಬ್‌ನಿಂದ ಸ್ವಚ್ಛ ಗೊಳಿಸಬೇಕು ಮತ್ತು ಬೆರಳು-ಚುಚ್ಚುವಿಕೆಗಾಗಿ ಒದಗಿಸಲಾದ ಲ್ಯಾನ್ಸೆಟ್ ಅನ್ನು ಬಳಸಬೇಕಾಗುತ್ತದೆ. ಕಾರ್ಟ್ರಿಡ್ಜ್ 5-10 ನಿಮಿಷಗಳಲ್ಲಿ ರಕ್ತದ ಮಾದರಿಯ ಫಲಿತಾಂಶಗಳನ್ನು ನೀಡುತ್ತದೆ. ಪರೀಕ್ಷಾ ಕಿಟ್‌ಗಳ ಬೆಲೆ ಜಾಗತಿಕ ಪೂರೈಕೆಗೆ ಅನುಗುಣವಾಗಿ 2000-3000 ರೂ.ಗಳ ನಡುವೆ ಇದೆ ಮತ್ತು ಇದು ಹೆಲ್ತ್‌ಕೇರ್ ಕಂಪನಿಯ ವೆಬ್‌ಸೈಟ್‌ನಲ್ಲಿ ಲಭ್ಯವಿದೆ ಮತ್ತು ಆರ್ಡರ್ ನೀಡಿದ 2-3 ದಿನಗಳಲ್ಲಿ ಪಡೆಯಬಹುದು.

ಬಯೋನ್ ಪ್ರಸ್ತುತ ವಾರದಲ್ಲಿ 20,000 ಕಿಟ್‌ಗಳನ್ನು ಪೂರೈಸಲು ಸಜ್ಜುಗೊಂಡಿದೆ. ಉತ್ಪನ್ನವನ್ನು ಅದರ ವಿಶ್ವಾದ್ಯಂತ ಸಿಇ ಮತ್ತು ಎಫ್‌ಡಿಎ ಅನುಮೋದಿತ ಪಾಲುದಾರರಿಂದ ಪಡೆಯಲಾಗಿದೆ ಎಂದು ಹೇಳಿದೆ.

ಈ ಸಾಧನೆಯ ಬಗ್ಗೆ ಮಾತನಾಡಿದ ಬೆಂಗಳೂರು ಮೂಲದ ಸಿಇಒ ಸುರೇಂದ್ರ ಚಿಕಾರಾ, “ಫಲಿತಾಂಶದ ಸಮಯವನ್ನು ತಗ್ಗಿಸುವ ಮೂಲಕ, ನಾವು ಕೋವಿಡ್ -19 ವಿರುದ್ಧ ಹೋರಾಡಲು ಭಾರತಕ್ಕೆ ಸಹಾಯ ಮಾಡಲು ನೋಡುತ್ತಿದ್ದೇವೆ. ಕರೋನವೈರಸ್ ವಿರುದ್ಧ ಕ್ರಾಂತಿಯನ್ನು ಮುನ್ನಡೆಸುವಲ್ಲಿ ಸರಕಾರದ ಬೆಂಬಲ ಪ್ರಮುಖವಾದುದು ಎಂದು ನಾವು ನಂಬುತ್ತೇವೆ” ಎಂದಿದ್ದಾರೆ.

ಕೋವಿಡ್ -19 ಸ್ಕ್ರೀನಿಂಗ್ ಕಿಟ್‌ನ ಫಲಿತಾಂಶಗಳ ಹೊರತಾಗಿಯೂ ಯಾರಾದರೂ ಕರೋನವೈರಸ್ ರೋಗಲಕ್ಷಣಗಳನ್ನು ತೋರಿಸಿದರೆ ಪ್ರಯೋಗಾಲಯ ಪರೀಕ್ಷೆಗೆ ಒಳಗಾಗುವಂತೆ ಕಂಪನಿ ಜನರಿಗೆ ಸಲಹೆ ನೀಡುತ್ತಿದೆ.