ನವದೆಹಲಿ: ರಫೆಲ್ ಯುದ್ಧ ವಿಮಾನವನ್ನು ಸ್ವೀಕರಿಸುವ ವೇಳೆ ರಕ್ಷಣಾ ಸಚಿವ ರಾಜನಾಥ್ ಸಿಂಗ್ ಅವರು ಶಸ್ತ್ರ ಪೂಜೆಯನ್ನು ನೆರವೇರಿಸಿದ್ದರು. ಇದಕ್ಕೆ ಕಾಂಗ್ರೆಸ್ಸಿಗರು ಟೀಕೆಗಳನ್ನು ವ್ಯಕ್ತಪಡಿಸಿದ್ದರು.
ಈ ಪೂಜೆಯನ್ನು ಹಿರಿಯ ಕಾಂಗ್ರೆಸ್ ಮುಖಂಡ ಮಲ್ಲಿಕಾರ್ಜುನ ಖರ್ಗೆ ಅವರು ‘ಪ್ರದರ್ಶನ’ ಎಂದು ಜರೆದಿದ್ದರು, ಇಂತಹುದನ್ನು ಮಾಡಬೇಕಾಗಿರಲಿಲ್ಲ ಎಂದಿದ್ದರು.
“ಅಂತಹ ಪ್ರದರ್ಶನ (ಶಸ್ತ್ರ ಪೂಜೆ) ಮಾಡುವ ಅಗತ್ಯವಿರಲಿಲ್ಲ, ನಾವು ಈ ಹಿಂದೆ ಬೋಫೋರ್ಸ್ ಗನ್‌ನಂತಹ ಶಸ್ತ್ರಾಸ್ತ್ರಗಳನ್ನು ಖರೀದಿಸಿದಾಗ ಈ ರೀತಿಯ ಪ್ರದರ್ಶನಗಳನ್ನು ಮಾಡಿರಲಿಲ್ಲ” ಎಂದು ಹೇಳಿದ್ದರು.
ಖರ್ಗೆ ಈ ರೀತಿಯ ಹೇಳಿಕೆಯನ್ನು ನೀಡುತ್ತಿದ್ದಂತೆ, ನೆಟ್ಟಿಗರು ಮಾಜಿ ಪ್ರಧಾನಿ ಜವಹಾರ್ ಲಾಲ್ ನೆಹರೂ ಅವರು ಭಾರತ ನಿರ್ಮಿತ ಮೊದಲ ನೌಕೆ ಜಲ್ ಉಷಾಗೆ ಪೂಜೆ ನೆರವೇರಿಸುತ್ತಿರುವ ವೀಡಿಯೋವನ್ನು ಹುಡುಕಿ ತೆಗೆದು ವೈರಲ್ ಮಾಡಿದ್ದಾರೆ.
1948ರ ಮಾರ್ಚ್ 14ರಂದು ವಿಶಾಖಪಟ್ಟಣದ ಸಿಂಧಿಯಾ ಶಿಪ್ಯಾರ್ಡ್ಗೆ ಹಡುಗು ಉದ್ಘಾಟನೆಗಾಗಿ ಬಂದ ನೆಹರು ಅವರ ವೀಡಿಯೋ ಇದಾಗಿದೆ. ಈ ವೀಡಿಯೋದಲ್ಲಿ ಪುರೋಹಿತರು ಹಡಗಿನ ಸಮೀಪ ವೇದ ಮಂತ್ರಗಳನ್ನು ಪಠಿಸುತ್ತಿರುವ ದೃಶ್ಯವಿದೆ. ನೆಹರೂ ಅವರು ಹಡಗಿಗೆ ಹೂ ಅರ್ಪಣೆ ಮತ್ತು ತೆಂಗಿನ ಕಾಯಿಯನ್ನು ಒಡೆಯುವ ದೃಶ್ಯವೂ ಇದರಲ್ಲಿದೆ.
ಇದೇ ವೇಳೆ ಮಾಜಿ ರಕ್ಷಣಾ ಸಚಿವ ಎಕೆ ಆಂಟೋನಿ ಅವರ ಪತ್ನಿ ಐಎಸ್ಎಸ್ ವಿಕ್ರಾಂತ್ ಮೇಲೆ ಶಿಲುಬೆ ಇರಿಸುವ ವೀಡಿಯೋವನ್ನೂ ನೆಟ್ಟಿಗರು ಹುಡುಕಿ ತೆಗೆದಿದ್ದಾರೆ.
Sonia Party on Suicide Mission?https://t.co/eggqy1QseH
— गोपी कृष्ण (@gopimaliwal) October 10, 2019
ಒಟ್ಟಿನಲ್ಲಿ ರಾಜನಾಥ್ ಸಿಂಗ್ ಅವರನ್ನು ಜರೆಯಲು ಹೋದ ಕಾಂಗ್ರೆಸ್ಸಿಗರು ಈಗ ತಾವೇ ಪೇಚಿಗೆ ಸಿಲುಕಿಕೊಂಡಿದ್ದಾರೆ.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
