ನವದೆಹಲಿ: ಪ್ರಧಾನಿ ನರೇಂದ್ರ ಮೋದಿಯವರು ಭಾಗವಹಿಸಿರುವ ‘ಡಿಸ್ಕವರಿ” ಚಾನೆಲ್ನ ಪ್ರಸಿದ್ಧ ‘ಮ್ಯಾನ್ ವರ್ಸಸ್ ವೈಲ್ಡ್’ ಶೋ ಸಂಚಿಕೆ ಆಗಸ್ಟ್ 12 ರಂದು ಅಂದರೆ ಇಂದು ರಾತ್ರಿ 9 ಗಂಟೆಗೆ ಪ್ರಸಾರವಾಗಲಿದೆ.
‘ಮ್ಯಾನ್ ವರ್ಸಸ್ ವೈಲ್ಡ್’ ಶೋ ನಿರೂಪಕ ಬೇರ್ ಗ್ರಿಲ್ಸ್ ಅವರೊಂದಿಗೆ ಮೋದಿ ಉತ್ತರಾಖಂಡದ ಅರಣ್ಯದಲ್ಲಿ ಸಾಹಸ ಪ್ರಯಾಣ ಮಾಡುವುದನ್ನು ನಾವು ಈ ಶೋದಲ್ಲಿ ನೋಡಬಹುದಾಗಿದೆ. ಮೋದಿಯ ಹೊಸ ಸಾಹಸವನ್ನು ನಾವಿಲ್ಲಿ ಕಣ್ತುಂಬಿಕೊಳ್ಳಬಹುದು.
ಕಳೆದ ತಿಂಗಳು ಗ್ರಿಲ್ಸ್ ಟ್ವಿಟರ್ ಮೂಲಕ ಮೋದಿಯವರು ತಮ್ಮ ಶೋದಲ್ಲಿ ಭಾಗಿಯಾದ ಸಂಗತಿಯನ್ನು ಘೋಷಣೆ ಮಾಡಿದ್ದರು. ಅಲ್ಲದೇ, ಪ್ರಧಾನಿ ಮೋದಿಯವರು ನದಿಯಲ್ಲಿ ಸವಾರಿ ಮಾಡುವ ದೃಶ್ಯದ ತುಣುಕುಗಳನ್ನು ಅವರು ಹಂಚಿಕೊಂಡಿದ್ದಾರೆ. ಆ.12ರಂದು ಪೂರ್ಣ ಶೋ ಅನ್ನು ನೋಡಬಹುದೆಂದು ಅವರು ಹೇಳಿಕೊಂಡಿದ್ದರು.
“ಪ್ರಾಣಿಗಳ ಸಂರಕ್ಷಣೆ ಮತ್ತು ಪರಿಸರ ಬದಲಾವಣೆಯ ಬಗ್ಗೆ ಜಾಗೃತಿ ಮೂಡಿಸಲು ಭಾರತೀಯ ಅರಣ್ಯಕ್ಕೆ ಕಾಲಿಡುವುದನ್ನು ವಿಶ್ವದ 180 ದೇಶಗಳ ಜನರು ನೋಡಲಿದ್ದಾರೆ ಮತ್ತು ಈ ವೇಳೆ ಮೋದಿಯವರ ಮತ್ತೊಂದು ಅಪರಿಚಿತ ಸ್ವರೂಪ ಅನಾವರಣಗೊಳ್ಳಲಿದೆ. ಮೋದಿಯನ್ನು ಹೊಂದಿರುವ ‘ಮ್ಯಾನ್ ವರ್ಸಸ್ ವೈಲ್ಡ್’ ಶೋ ತಪ್ಪದೇ ನೋಡಿ” ಎಂದು ಟ್ವಿಟರಿನಲ್ಲಿ ಗ್ರಿಲ್ಸ್ ಅವರು ಹೇಳಿಕೊಂಡಿದ್ದಾರೆ.
ಡಿಸ್ಕವರಿ ಚಾನೆಲಿನಲ್ಲಿ ಇಂದು ರಾತ್ರಿ 9 ಗಂಟೆಗೆ ಈ ಶೋ ಪ್ರಸಾರವಾಗಲಿದೆ. ಪ್ರಾಣಿ ಮತ್ತು ಪರಿಸರ ಸಂರಕ್ಷಣೆಯ ಸಂದೇಶವನ್ನು ಸಾರುವ ಸಲುವಾಗಿ ಮೋದಿ ಈ ಶೋನಲ್ಲಿ ಭಾಗಿಯಾಗಿದ್ದಾರೆ. ಈ ಶೋ ಮೂಲಕ ಮೋದಿ ತಮ್ಮ ಸಾಹಸಿ ಪ್ರವೃತ್ತಿಯನ್ನು ಜಗತ್ತಿನ ಮುಂದೆ ತೋರ್ಪಡಿಸಿದ್ದಾರೆ.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
