ನವದೆಹಲಿ: ಪಾಕಿಸ್ತಾನದ ಕುಖ್ಯಾತ ಗುಪ್ತಚರ ಸಂಸ್ಥೆ ಐಎಸ್‌ಐಯ ಅಪಾಯಕಾರಿ ಯೋಜನೆ ಬಹಿರಂಗಗೊಂಡಿದೆ. ಪಾಕ್‌ನಿಂದ ಬರುತ್ತಿರುವ ತಪ್ಪಿದ ಕರೆ(ಮಿಸ್ಡ್ ಕಾಲ್)ಗಳ ವಿವರಗಳ ರಹಸ್ಯ ತಿಳಿದು ಬಂದಿದ್ದು, ಐಎಸ್‌ಐ ಭಾರತೀಯರ ಸಾವಿರಾರು ಕೋಟಿ ರೂಪಾಯಿ ಲೂಟಿ ಮಾಡಿದ ಆತಂಕಕಾರಿ ಘಟನೆ ನಡೆದಿದೆ.
ಮಿಸ್ಡ್ ಕಾಲ್‌ಗಳ ಮೂಲಕ ಲಾಟರಿ ಗೆಲ್ಲುವ ಬಗ್ಗೆ ಭಾರತೀಯರಿಗೆ ಆಮಿಷ ಒಡ್ಡಿ ಹಣವನ್ನು ಪೀಕಿಸಿದೆ. ನಂತರ ಅದರಿಂದ ಸಾವಿರ ಕೋಟಿ ರೂಪಾಯಿ ಯುದ್ಧ ಆಯುಧಗಳನ್ನು ಖರೀದಿಸಿದೆ ಎಂದು ಮೂಲಗಳು ತಿಳಿಸಿವೆ.
ಈ ಹಣದಿಂದಲೇ ಭಾರತದಲ್ಲಿರುವ ಸ್ಲೀಪರ್ ಸೆಲ್‌ಗಳಿಗೆ ಸಹಾಯ ಮಾಡಲಾಗುತ್ತಿದೆ. ಈ ಮೂಲಕ ಇಲ್ಲಿನ ಕರೆನ್ಸಿಯ ನಕಲಿ ನೋಟುಗಳನ್ನೂ ಮುದ್ರಿಸಲಾಗುತ್ತಿದೆ. ಮಿಸ್ಡ್ ಕಾಲ್‌ಗಳಿಗೆ ಮತ್ತೆ ಕಾಲ್ ಮಾಡಿದರೆ ಸಾವಿರಾರು ರೂ. ಡಾಲರ್ ಅಥವಾ ಪೌಂಡ್ ಗೆದ್ದಿದ್ದೀರಿ ಎಂದು ಉತ್ತರ ಬರುತ್ತದೆ. ಆ ನಂತರ ಲಾಟರಿ ಗೆದ್ದಿದ್ದೀರಿ ಎಂದು ಹೇಳಲಾಗಿರುವ ಹಣ ಪಡೆಯಬೇಕಾದರೆ ಅವರು ನೀಡಿರುವಅಕೌಂಟ್ ನಂಬರ್‌ಗೆ 10 ಸಾವಿರ ಹಾಕುವಂತೆ ಸೂಚಿಸಲಾಗುತ್ತದೆ.
ಈ ಕಾರ್ಯ ನಿರ್ವಹಿಸಲು ದೆಹಲಿ, ಮುಂಬಯಿ, ನೋಯ್ಡಾ, ಮಂಗಳೂರು, ಅಮೃತಸರ ಮುಂತಾದೆಡೆ ಇರುವ ಐಎಸ್‌ಐ ಏಜೆಂಟರು ಸಹಕರಿಸಿದ್ದಾರೆ ಎನ್ನಲಾಗಿದೆ.
News13
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
