ನವದೆಹಲಿ: ಭಾರತೀಯ ನೌಕಾ ಪಡೆಯ ನೂತನ ಮುಖ್ಯಸ್ಥರಾಗಿ ಅಡ್ಮಿರಲ್ ಕರಂಬೀರ್ ಸಿಂಗ್ ಅವರು ಶುಕ್ರವಾರ ಅಧಿಕಾರ ಸ್ವೀಕಾರ ಮಾಡಿದ್ದಾರೆ. ಇದುವರೆಗೆ ಮುಖ್ಯಸ್ಥರಾಗಿದ್ದ ಅಡ್ಮಿರಲ್ ಸುನೀಲ್ ಲಾಂಬಾ ಅವರು ಸೇವೆಯಿಂದ ನಿವೃತ್ತರಾಗುತ್ತಿದ್ದಾರೆ.
ಕರಂಬೀರ್ ಸಿಂಗ್ ಅವರು, “ಭಾರತೀಯ ನೌಕಾಪಡೆಯ 24ನೇಯ ಮುಖ್ಯಮಂತ್ರಿಯಾಗಿ ಅಧಿಕಾರ ಸ್ವೀಕರಿಸುತ್ತಿರುವುದು ನನಗೆ ಅತ್ಯಂತ ಹೆಮ್ಮೆ ಮತ್ತು ಗೌರವದ ಸನ್ನಿವೇಶವಾಗಿದೆ. ಹಿಂದಿನ ಮುಖ್ಯಸ್ಥರುಗಳು ತಮ್ಮ ಪರಿಶ್ರಮದ ಮೂಲಕ ನೌಕಾಸೇನೆ ಬಲಿಷ್ಠ ಅಡಿಪಾಯ ಹೊಂದುವಂತೆ ಮತ್ತು ಉನ್ನತ ಮಟ್ಟವನ್ನು ಏರುವಂತೆ ಮಾಡಿದರು” ಎಂದಿದ್ದಾರೆ.
“ಅವರ ಪ್ರಯತ್ನವನ್ನು ಮುಂದುವರೆಸುವುದು ಮತ್ತು ನೌಕಾಸೇನೆಯನ್ನು ಬಲಿಷ್ಠ, ಸಮರ್ಥ ಮತ್ತು ಸಮುದ್ರದ ಯಾವುದೇ ಸವಾಲುಗಳನ್ನು ಎದುರಿಸಲು ಸನ್ನದ್ಧವಾಗಿರುವಂತೆ ಮಾಡುವುದು ನನ್ನ ಪ್ರಯತ್ನವಾಗಲಿದೆ” ಎಂದಿದ್ದಾರೆ.
ಅಡ್ಮಿರಲ್ ಲಾಂಬಾ ಅವರನ್ನು ಕೊಂಡಾಡಿದ ಸಿಂಗ್, “42 ವರ್ಷಗಳ ಕಾಲ ನೌಕಾಸೇನೆಯ ಮೂಲಕ ಅವರು ದೇಶಕ್ಕೆ ಅನನ್ಯ ಸೇವೆಯನ್ನು ಸಲ್ಲಿಸಿದ್ದಾರೆ. ನಮಗೆ ಅದ್ಭುತ ನಾಯಕತ್ವ ನೀಡಿದ್ದಾರೆ” ಎಂದಿದ್ದಾರೆ.
ಕರಂಬೀರ್ ಅವರು 1980ರಲ್ಲಿ ನೌಕೆಯನ್ನು ಸೇರ್ಪಡೆಗೊಂಡಿದ್ದು, 39 ವರ್ಷಗಳಿಂದ ಅವರು ನೌಕಾಸೇನೆಯ ವಿವಿಧ ವಲಯದಲ್ಲಿ ಕಾರ್ಯನಿರ್ವಹಿಸಿದ ಅನುಭವವನ್ನು ಹೊಂದಿದ್ದಾರೆ.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
