ಬೆಂಗಳೂರು : ನರೇಂದ್ರ ಮೋದಿ ಸರ್ಕಾರದ ಜನಪ್ರಿಯ ಯೋಜನೆಗಳಲ್ಲೇ ಅತೀ ದೊಡ್ಡ ಯೋಜನೆ ಆಯುಷ್ಮಾನ್ ಭಾರತ್. ಈ ಆಯುಷ್ಮಾನ್ ಭಾರತ್ ಯೋಜನೆಯ ಅರ್ಹತಾ ಪತ್ರವನ್ನು ಮನೆಬಾಗಿಲಿಗೆ ತಲುಪಿಸುವ ಕಾರ್ಯ ದೊಡ್ಡ ಮಟ್ಟದಲ್ಲಿ ಸಾಗುತ್ತಿದೆ. ಈ ಆಯುಷ್ಮಾನ್ ಭಾರತ ಯೋಜನೆಯ ಅರ್ಹತಾ ಪತ್ರ ವಿತರಿಸುವ ಯಶಸ್ವಿ ನಿರ್ವಹಣೆಯಲ್ಲಿ ನಮ್ಮ ಅಂಚೆಕಛೇರಿಯ ಪೋಸ್ಟ್ ಮ್ಯಾನ್ ಕೆಲಸ ಶ್ಲಾಘನೀಯ.
ಈ ಪ್ರಯುಕ್ತ, ನಮೋಭಾರತ ಸಂಘಟನೆಯು, ಅಂಚೆಕಛೇರಿಯಲ್ಲಿ ಕಾರ್ಯನಿರ್ವಹಿಸುತ್ತಿರುವ ಪೋಸ್ಟ್ ಮ್ಯಾನ್ಗಳನ್ನು ಗುರುತಿಸಿ ಅವರು ಮಾಡಿದ ಮಹತ್ತಮ ಕಾರ್ಯಕ್ಕೆ ಕೃತಜ್ಞತಾ ಪೂರ್ವಕವಾಗಿ ಹಾಗೂ ಇನ್ನೂ ವಿತರಣೆ ಆಗಬೇಕಿರುವ ಅರ್ಹತಾ ಪತ್ರಗಳನ್ನು ಶೀಘ್ರದಲ್ಲೇ ಮನೆಮನೆಗೆ ತಲುಪಿಸಲು ಅವರಿಗೆ ನೈತಿಕ ಬೆಂಬಲ ನೀಡುವ ನಿಟ್ಟಿನಲ್ಲಿ ಅಂಚೆಯಣ್ಣನಿಗೆ ಅಭಿನಂದನೆ ಎಂಬ ಅಭಿಯಾನವನ್ನು ರಾಜ್ಯಾದ್ಯಂತ ನಡೆಸಲು ನಮೋ ಭಾರತ ಸಂಘಟನೆ ತೀರ್ಮಾನಿಸಿದೆ.
ಈ ಅಭಿಯಾನದಂಗವಾಗಿ, ಹತ್ತಿರದ ಅಂಚೆಕಛೇರಿಗೆ ಹೋಗಿ, ಅಲ್ಲಿನ ಪೋಸ್ಟ್ ಮ್ಯಾನ್ಗಳನ್ನು ಭೇಟಿಮಾಡಿ, ಅವರಿಗೆ ಕೃತಜ್ಞತಾ ಪೂರ್ವಕವಾಗಿ ಸಿಹಿ ಹಂಚಿ, ಹೂವು ಅಥವಾ ಪುಷ್ಪ ಗುಚ್ಛನೀಡಿ ಅದರೊಂದಿಗೆ ಅಭಿನಂದನಾ ಪತ್ರ ರೂಪಕ ಕಾರ್ಡ್ ನೀಡಿ ಅಭಿನಂದನೆಯನ್ನು ಸಲ್ಲಿಸುವ ಚಟುವಟಿಕೆಯನ್ನು ಮಾಡಲು ಸಂಘಟನೆ ಉದ್ದೇಶಿಸಿದೆ.
ನಿಮ್ಮ ಹತ್ತಿರದ ಅಂಚೆ ಕಛೇರಿಗೆ ಹೋಗಿ ಅಂಚೆಯಣ್ಣನನ್ನು ಅಭಿನಂದಿಸಿ, ಈ ಅಭಿನಂದನಾ ಕಾರ್ಯಕ್ರಮದ ಫೋಟೋವನ್ನು ನಮೋ ಭಾರತ ತಂಡದ ವಾಟ್ಸ್ಯಾಪ್ ಸಂಖ್ಯೆಗೆ 9964142207 ಊರಿನ ಹೆಸರಿನೊಂದಿಗೆ ಕಳುಹಿಸಿ. ಜೊತೆಗೆ ಈ ಹ್ಯಾಶ್ಟ್ಯಾಗ್ಗಳನ್ನು ಬಳಸಬಹುದು. #ಅಂಚೆಯಣ್ಣನಿಗೆ_ಅಭಿನಂದನೆ, #TeamNaMoBharath.
ಅಂಚೆಯಣ್ಣನಿಗೆ ಅಭಿನಂದನೆ ಅಭಿಯಾನದ ಮೂಲಕ ಆಯುಷ್ಮಾನ್ ಭಾರತ ಯೋಜನೆಯ ಅರ್ಹತಾ ಪತ್ರದ ವಿತರಣೆಗೆ ಹಾಗೂ ಪೋಸ್ಟ್ ಮ್ಯಾನ್ ಕಾರ್ಯವನ್ನು ಗೌರವದಿಂದ ಶ್ಲಾಘಿಸುವ ಪ್ರಯತ್ನವನ್ನು ರಾಜ್ಯಾದ್ಯಂತ ಯಶಸ್ವಿಗೊಳಿಸಬೇಕಾಗಿ ನಮೋ ಭಾರತ ಸಂಘಟನೆಯ ತಂಡ ವಿನಂತಿಸಿದೆ.
News13
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
