ನವದೆಹಲಿ: 21 ಮಂದಿಯಿದ್ದ ವ್ಯಾಪಾರಿ ಹಡಗೊಂದು ಭಾನುವಾರ ತಡರಾತ್ರಿ ಮುಂಬಯಿ ಕರಾವಳಿ ತೀರದಲ್ಲಿ ಮುಳುಗಡೆಯಾಗುತ್ತಿರುವ ಬಗ್ಗೆ ಮಾಹಿತಿ ಪಡೆದ ನೌಕಾ ದಳ ತಕ್ಷಣವೇ ರಕ್ಷಣಾ ಕಾರ್ಯವನ್ನು ಆರಂಭಿಸಿ ಸಿಬ್ಬಂದಿಗಳನ್ನು ರಕ್ಷಿಸಿದ ಘಟನೆ ನಡೆದಿದೆ.
ಜಿಂದಾಲ್ ಕಾಮಾಕ್ಷಿ ಎಂಬ ಹೆಸರಿನ ಹಡಗು ಭಾನುವಾರ ರಾತ್ರಿ ಮುಂಬಯಿ ಬಂದಿರಿನಿಂದ 40 ನಾಟಿಕಲ್ ದೂರದಲ್ಲಿ ಪ್ರವಾಹವನ್ನು ಎದುರಿಸಲಾಗದೆ ಚಲಿಸುವಿಕೆಯನ್ನು ಸ್ಥಗಿತಗೊಳಿಸಿತ್ತು, ಅದೇಗೋ ತಾವು ಅಪಾಯದಲ್ಲಿರುವ ಬಗ್ಗೆ ನೌಕಾದಳಕ್ಕೆ ಸಿಗ್ನಲ್ ರವಾನಿಸುವಲ್ಲಿ ಸಿಬ್ಬಂದಿಗಳು ಯಶಸ್ವಿಯಾಗಿದ್ದಾರೆ.
ನೌಕಾ ಸಿಬ್ಬಂದಿಗಳ ಚತುರ ಕಾರ್ಯಾಚರಣೆಯ ಫಲವಾಗಿ ಮುಳುಗಡೆಯಾಗುತ್ತಿದ್ದ ಹಡಗಿನಲ್ಲಿದ್ದ 20 ಸಿಬ್ಬಂದಿಗಳನ್ನು ಮತ್ತು ಶಿಪ್ ಕ್ಯಾಪ್ಟನನ್ನು ಸುರಕ್ಷಿತವಾಗಿ ಹೆಲಿಕಾಫ್ಟರ್ ಮೂಲಕ ಮೇಲಕ್ಕೆತ್ತಲಾಗಿದೆ.
ರಕ್ಷಿಸಲ್ಪಟ್ಟ ಸಿಬ್ಬಂದಿಗಳನ್ನು ಕಲಾಬದಲ್ಲಿನ ಐಎನ್‌ಎಸ್ ನಾವಲ್ ಏರ್ ಸ್ಟೇಶನ್‌ಗೆ ಸೋಮವಾರ ಬೆಳಿಗ್ಗೆ 9 ಗಂಟೆಗೆ ಕರೆದೊಯ್ಯಲಾಗಿದ್ದು, ಅಲ್ಲಿ ವೈದ್ಯಕೀಯ ತಪಾಸಣೆ ಮಾಡಲಾಗುತ್ತಿದೆ.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
