ಎಟಿಎಂಗಳನ್ನು ಮುಚ್ಚುವ ಯೋಚನೆ ಇಲ್ಲ: ಕೇಂದ್ರ

ನವದಹೆಲಿ: ಎಟಿಎಂಗಳನ್ನು ಮುಚ್ಚುವ ಯಾವ ಯೋಚನೆಯೂ ಸಾರ್ವಜನಿಕ ವಲಯದ ಬ್ಯಾಂಕುಗಳಿಗೆ ಇಲ್ಲ ಎಂದು ವಿತ್ತ ಸಚಿವಾಲಯದ ರಾಜ್ಯ ಖಾತೆ ಸಚಿವ ಶಿವ ಪ್ರತಾಪ್ ಶುಕ್ಲಾ ಹೇಳಿದ್ದಾರೆ.

ಮುಂದಿನ ಮಾರ್ಚ್ ವೇಳೆಗೆ ಸುಮಾರು 2.38 ಲಕ್ಷದಷ್ಟು ಎಟಿಎಂಗಳು ಮುಚ್ಚುವ ಅಪಾಯದಲ್ಲಿದೆ ಎಂದು ಕಾನ್ಫಿಡರೇಶನ್ ಆಫ್ ಎಟಿಎಂ ಇಂಡಸ್ಟ್ರೀ ವರದಿ ಮಾಡಿದ ಹಿನ್ನಲೆಯಲ್ಲಿ ಅವರ ಈ ಹೇಳಿಕೆ ಮಹತ್ವಪಡೆದುಕೊಂಡಿದೆ.

ನಿರಂತರ ಬದಲಾವಣೆ, ದುಬಾರಿಯಾಗುತ್ತಿರುವ ವೆಚ್ಚ, ತಗ್ಗುತ್ತಿರುವ ಆದಾಯಗಳು ಎಟಿಎಂ ವ್ಯಾಪಾರವನ್ನು ತೊಂದರೆಗೆ ಸಿಲುಕಿಸುತ್ತಿದೆ ಎಂದು ವರದಿಯಲ್ಲಿ ತಿಳಿಸಲಾಗಿತ್ತು.

ಈ ಬಗ್ಗೆ ಲೋಕಸಭೆಗೆ ಲಿಖಿತ ಉತ್ತರವನ್ನು ನೀಡಿರುವ ಶುಕ್ಲಾ, ‘ವಾಣಿಜ್ಯ ಬ್ಯಾಂಕ್, ಸಣ್ಣ ವಿತ್ತೀಯ ಬ್ಯಾಂಕ್, ಪೇಮೆಂಟ್ ಬ್ಯಾಂಕ್, ಎಟಿಎಂ ಆಪರೇಟರ್ ವರದಿಯಂತೆ ಸೆ.30ರವರೆ ಅನ್ವಯವಾಗುವಂತೆ ದೇಶದಲ್ಲಿ 2.21 ಲಕ್ಷ ಎಟಿಎಂಗಳು ಕಾರ್ಯಾಚರಣೆಯಲ್ಲಿವೆ. ಮೊಬೈಲ್ ಬ್ಯಾಂಕಿಂಗ್ ಸರ್ವಿಸ್ ಮತ್ತು ವಿವಿಧ ಡಿಜಿಟಲ್ ಮೋಡ್ ಬ್ಯಾಂಕಿಂಗ್‌ಗಳು ದೇಶದಲ್ಲಿ ಲಭ್ಯ ಇವೆ’ ಎಂದಿದ್ದಾರೆ.

source: www.newsonair.com