ಶೀಘ್ರವೇ ಅಲಹಾಬಾದ್ ಹೆಸರು ಪ್ರಯಾಗ್ ರಾಜ್ ಆಗುವ ಸಾಧ್ಯತೆ

ಲಕ್ನೋ: ಐತಿಹಾಸಿಕವಾಗಿ ಮಹತ್ವದ ನಗರವಾದ ಉತ್ತರಪ್ರದೇಶದ ಅಲಹಾಬಾದ್ ಶೀಘ್ರದಲ್ಲೇ ಪ್ರಯಾಗ್ ರಾಜ್ ಆಗಿ ಬದಲಾಗುವ ಸಾಧ್ಯತೆ ಇದೆ.

ಬಹುತೇಕ ಮಂದಿ ಒಪ್ಪಿಗೆ ಸೂಚಿಸಿದರೆ ಶೀಘ್ರದಲ್ಲೇ ಅಲಹಾಬಾದ್‌ಗೆ ಪ್ರಯಾಗ್ ರಾಜ್ ಆಗಿ ಮರುನಾಮಕರಣ ಮಾಡುವುದಾಗಿ ಯುಪಿ ಸಿಎಂ ಯೋಗಿ ಆದಿತ್ಯನಾಥ ಅವರು ಹೇಳಿದ್ದಾರೆ.

‘ಅಲಹಾಬಾದ್‌ಗೆ ಪ್ರಯಾಗ್ ರಾಜ್ ಎಂದು ಹೆಸರಿಡುವುದು ಬಹುತೇಕರ ಒತ್ತಾಯವಾಗಿದೆ. ನನಗನಿಸುವ ಪ್ರಕಾರ ಇದು ಒಳ್ಳೆಯ ಸಂದೇಶವನ್ನೂ ನೀಡುತ್ತದೆ. ಎಲ್ಲರು ಒಪ್ಪಿದರೆ, ಪ್ರಯಾಗ್ ರಾಜ್ ಹೆಸರಿಡುತ್ತೇವೆ. ಇದು ಒಳ್ಳೆಯ ಆರಂಭವೂ ಆಗುತ್ತದೆ’ ಎಂದಿದ್ದಾರೆ.

ಮೂಲಗಳ ಪ್ರಕಾರ, 2019ರ ಕುಂಭಮೇಳದ ಬ್ಯಾನರ್‌ಗಳಲ್ಲಿ ಅಲಹಾಬಾದ್ ಬದಲು ಪ್ರಯಾಗ್ ರಾಜ್ ಎಂದು ಉಲ್ಲೇಖಿಸಲಾಗುತ್ತದೆ ಎನ್ನಲಾಗಿದೆ.

2019ರ ಜನವರಿ 15ರಿಂದ ಕುಂಭಮೇಳ ಜರುಗಲಿದೆ.

source; ANI