ಕಜಿಕ್ಕಂಬಳಮ್ : 21 ರಾಜ್ಯಗಳ ಸುಮಾರು 6582 ಮಹಿಳೆಯರು ನೃತ್ಯ ಪ್ರದರ್ಶನ ನೀಡಿದ್ದು, ಇದೀಗ ಗಿನ್ನಿಸ್ ವಿಶ್ವ ದಾಖಲೆ ಸೇರಿದೆ.
ಕೊಚ್ಚಿಯಲ್ಲಿ ನಡೆದ ಕಾರ್ಯಕ್ರಮದಲ್ಲಿ 21 ರಾಜ್ಯಗಳ 10 ರಿಂದ 75 ವರ್ಷ ವಯೋಮಾನದ 6582 ಮಹಿಳೆಯರು 16 ನಿಮಿಷಗಳ ನೃತ್ಯವನ್ನು ಪ್ರದರ್ಶಿಸಿದರು. ಕೇರಳದ ಸಾಂಪ್ರದಾಯಿಕ ನೃತ್ಯ ತಿರುವಾತಿರಕ್ಕಳಿಯನ್ನು ಪ್ರದರ್ಶಿಸಲಾಯಿತು.
ಕೇರಳದ ಸಂಪ್ರದಾಯಿಕ ತೊಡುಗೆಯಾದ ಗೋಲ್ಡ್ ಬಾರ್ಡರ್ ಇರುವ ಮುಂಡು ಮತ್ತು ನೆರಿಯಟ್ಟು ತೊಟ್ಟು, ವೃತ್ತಾಕಾರದಲ್ಲಿ ಸಾಂಪ್ರದಾಯಿಕ ಗೀತೆಗೆ ಎಲ್ಲರೂ ಹೆಜ್ಜೆ ಹಾಕಿದರು.
ಈ ಕಾರ್ಯಕ್ರಮವನ್ನು ಟ್ವೆಂಟಿ೨೦, ಕಿಟೆಕ್ಸ್ ಗ್ರೂಪ್ಸ್, ಚವಾರಾ ಕಲ್ಚರಲ್ ಸೆಂಟರ್ ಮತ್ತು ಪರ್ವನೇಂದು ಸ್ಕೂಲ್ ಆಫ್ ತಿರುವತ್ತಿರ ಜಂಟಿಯಾಗಿ ಆಯೋಜಿಸಿದ್ದವು.
ಕೇರಳೀಯರನ್ನು ಒಗ್ಗೂಡಿಸಲು, ಕೋಮು ಸೌಹಾರ್ದತೆ, ಮಹಿಳೆಯರ ಸಬಲೀಕರಣ ಮತ್ತು ಸಾಂಪ್ರದಾಯಿಕ ಕಲೆಗೆ ಪ್ರೋತ್ಸಾಹ ನೀಡಲು ಈ ಕಾರ್ಯಕ್ರಮವನ್ನು ಆಯೋಜಿಸಲಾಗಿತ್ತು. ಯಾವುದೇ ದಾಖಲೆಗಾಗಿ ಇದನ್ನು ಆಯೋಜಿಸಿದ್ದಲ್ಲ ಎಂದು ಗಿನ್ನಿಸ್ ದಾಖಲೆ ಪ್ರಮಾಣ ಪತ್ರ ಸ್ವೀಕರಿಸಿದ ಬಳಿಕ ಟ್ವೆಂಟಿ20 ಅಧ್ಯಕ್ಷ ಸಬು ಜಾಕೋಬ್ ಅವರು ಹೇಳಿದರು.
ವಿಶ್ವದ ಅತಿ ದೊಡ್ಡ ತಿರುವತ್ತಿರ ದಾಖಲೆಯು ಟ್ವೆಂಟಿ೨೦ ಕಜಿಕ್ಕಂಬಳಮ್ಗೆ ಸೇರಿದ್ದು ಎಂದು ರಿಶಿನಾಥ್ ಹೇಳಿದರು.
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.