ಪೇಢಾ ನಗರಿಯಲ್ಲಿ ಮೈನವಿರೇಳಿಸಿದ ಬಾಕ್ಸಿಂಗ್ ಪಂಚ್

ಧಾರವಾಡ : ಪೇಢಾ ನಗರಿಯಲ್ಲಿ ಸಂಜೆ ನಡೆದ ಬಾಕ್ಸಿಂಗ್ ಜನರಲ್ಲಿ ತಲ್ಲಣ ಉಂಟುಮಾಡಿತು. ನಗರಿಯ ಜನರು ಇದೇ ಮೊದಲ ಬಾರಿಗೆ ನೇರವಾಗಿ ನೋಡುತ್ತಿರುವ ಪಂದ್ಯ ಇದಾಗಿದ್ದ ಕಾರಣ ಕೇಕೆ, ಚಪ್ಪಾಳೆಗಳ ಸುರಿಮಳೆ ಸುರಿದವು.

ಆರ್.ಎನ್.ಶೆಟ್ಟಿ ಕ್ರೀಡಾಂಗಣದ ಆವರಣದಲ್ಲಿ ರಾಜ್ಯ ಓಲಂಪಿಕ್‌ನ ಬಾಕ್ಸಿಂಗ್ ಸ್ಪರ್ಧೆ ಶನಿವಾರ ಸಂಜೆ ಜರುಗಿತು. ಅಶೋಕ ಕೋಹ್ಲಿ ಬಲವಾದ ಬಲಗೈ ಹೊಡೆತಕ್ಕೆ ಎದುರಾಳಿ ಉಮಂಗ್ ಕುಮಂಗ್ನ ಮೂಗಿನಿಂದ ರಕ್ತಸ್ರಾವ ಉಂಟಾಯಿತು. ಎರಡನೇ ಸುತ್ತಿನಲ್ಲಿಯೇ ವೈದ್ಯರ ಸಲಹೆ ಮತ್ತು ರೆಫರಿಯ ನಿರ್ಣಯದಿಂದ ಅಶೋಕ್ ಕೋಹ್ಲಿ ಅವರನ್ನು ವಿಜಯಶಾಲಿ ಎಂದು ಘೋಷಿಸಲಾಯಿತು.

ತೂಕದ ಆಧಾರದ ಮೇಲೆ ಎದುರಾಳಿಗಳನ್ನು ಆಯ್ಕೆ ಮಾಡಲಾಗಿತ್ತು. ಮೊದಲ ದಿನವಾದ ಬಾಕ್ಸಿಂಗ್ ಸ್ಪರ್ಧೆಯಲ್ಲಿ ಏಳು ಎದುರಾಳಿ ತಂಡಗಳನ್ನು ಆಡಿಸಲಾಯಿತು. ಕ್ರಮಾವಾಗಿ ಎರಡು ಫ್ಲೈ ವ್ಹೆಟ್ ವಿಭಾಗದಿಂದ, ಮೂರು ಮಿಡಲ್ ವ್ಹೆಟ್ ವಿಭಾಗದಿಂದ ಮತ್ತು ಎರಡು ಹೆವಿ ವ್ಹೆಟ್ ವಿಭಾಗದಿಂದ ಸ್ಪರ್ಧೆಗಳು ನಡೆದವು.

ಫ್ಯೈ ವ್ಹೆಟ್ನಲ್ಲಿ ಮೊದಲ ಸ್ಪರ್ಧಾಳುಗಳಾಗಿ ರಿಂಗ್‌ಗೆ ಬಂದ ಮರಿಯಪ್ಪಬಾಕ್ಸಿಂಗ್ ಕ್ಲಬ್ ಪ್ರದೀಪಕುಮಾರ ಮತ್ತು ರೈಲ್ವೆ ವ್ಹಿಲ್ ಫ್ಯಾಕ್ಟರಿಯ ಸಂತೋಷ ಸಿ ಅವರ ಸ್ಪರ್ಧೆ ಕುತೂಹಲಕ್ಕೆ ಕಾರಣವಾಯಿತು. ಮೊದಲ ಮೂರು ಸುತ್ತುಗಳನ್ನು ಆಡಿದ ಬಳಿಕ ಸಂತೋಷನ ಹೊಡೆತ ಮತ್ತು ಆಟದ ವೈಖರಿಯನ್ನು ಗಮನಿಸಿ ನಿರ್ಣಾಯಕರು ಸಂತೋಷನನ್ನು ವಿಜಯಿ ಎಂದು ಘೋಷಿಸಿದರು.

ಫ್ಯೈ ವ್ಹೆಟ್ನಲ್ಲಿ ಎರಡನೇ ಹಂತದ ಸ್ಪರ್ಧೆಯಲ್ಲಿ ಉಡುಪಿಯ ಶ್ರೇಯಸ್ ಎದುರು ಬೆಳಗಾವಿಯ ಶುಭಂ ನಿಕಂ ವಿಜಯ ಸಾಧಿಸಿದರು. ಮತ್ತು ಮಿಡಲ್ ವ್ಹೆಟ್ನ ಮೊದಲ ಹಂತದ ಸ್ಪರ್ಧೆಯಲ್ಲಿ ಉಡುಪಿಯ ಅಂಕಿತ್ ಎದುರು ಸ್ಪೋರ್ಟ್ಸ್ ಅಥಾರಿಟಿ ಆಫ್ ಕರ್ನಾಟಕದ ಜಯಪ್ರಕಾಶ ವಿಜಯದ ನಗೆ ಬಿರಿದರು.

ಮಿಡಲ್ ವ್ಹೆಟ್ನ ಎರಡನೇ ಹಂತದಲ್ಲಿ ಸ್ಪೋಟ್ರ್ಸ್ ಅಥಾರಿಟಿ ಆಫ್ ಕರ್ನಾಟಕದ ಉಮಂಗ್ ಕುಮಂಗ್ ಎದುರು ಬೆಳಗಾವಿಯ ಅಶೋಕ್ ಕೋಹ್ಲಿ ಎಡನೇ ಸುತ್ತಿನಲ್ಲಿಯೇ ವಿಜಯ ಸಾಧಿಸಿದರು. ಮಿಡಲ್ ವ್ಹೆಟ್ನ ಮೂರನೇ ಹಂತದಲ್ಲಿ ಬೆಂಗಳೂರನ ಮಂಜುನಾಥನ ವಿರುದ್ಧ ಬೆಂಗಳೂರು ಗ್ರಾಮಾಂತರದ ಶಿವಕುಮಾರ ವಿಜಯರಾದರು.

ಕೊನೆಯದಾಗಿ ಹೇವಿ ವ್ಹೆಟ್ನಲ್ಲಿ ಸ್ಪರ್ಧೆ ಪ್ರಾರಂಭಿಸಿದ ಮೊದಲ ಹಂತದ ಸ್ಪರ್ಧಾಳುಗಳಲ್ಲಿ ಸ್ಪೋಟ್ರ್ಸ್ ಅಥಾರಿಟಿ ಆಫ್ ಕರ್ನಾಟಕದ ರಫೀಕ್ಖಾನ್ ವಿರುದ್ಧ ಅರುಣ್ ದೇಸಾಯಿ ಮೊದಲ ಸುತ್ತಿನಲ್ಲಿ ವಿಜಯ ಸಾಧಿಸಿದರು. ಸಮಬಲದ ಪ್ರದರ್ಶನವಿಲ್ಲದ ಕಾರಣ ರಫೀಕ್ಖಾನ್ ಗಾಯವಾಗುವ ಲಕ್ಷಣಗಳು ಕಂಡುಬಂದಿದ್ದರಿಂದ ನಿರ್ಣಾಯಕರು ಅರುಣ್ ದೇಸಾಯಿಯನ್ನು ವಿಜಯಿಶಾಲಿ ಎಂದು ಘೋಷಿಸಿದರು. ಕೊನೆಯದಾಗಿ ಉಡುಪಿಯ ದೀಪಕ್ ಮತ್ತು ಮರಿಯಪ್ಪ ಬಾಕ್ಸಿಂಗ್ ಕ್ಲಬ್ನ ಅನುರಾಗ್ ನಾಯಿಕ್ ಸೆಣಸಾಡಿದರು. ಇದರಲ್ಲಿ ಉಡುಪಿಯ ದೀಪಕ್ ಜಯಶಾಲಿ ಆದರು.

ವಿಜಯಶಾಲಿಗಳು: 1.ಸಂತೋಷ 2.ಶೂಬಮ್ನಿಕಂ 3.ಜಯಪ್ರಕಾಶ 4.ಅಶೋಕ ಕೋಹ್ಲಿ

5.ಶಿವಕುಮಾರ 6.ಅರುಣ ದೇಸಾಯಿ 7.ದೀಪಕ್ ಕೆ.