ಇಸ್ಲಾಮಾಬಾದ್ : ಬಾಲಿವುಡ್ ನಟ ಶಾರುಖ್ ಖಾನ್ಗಾಗಿ ಜಿಂಕೆಯ ಚರ್ಮದ ವಿಶೇಷ ಪೇಶಾವರಿ ಶೈಲಿಯ ಚಪ್ಪಲಿ ತಯಾರು ಮಾಡಿದ ಪೇಶಾವರ ಮೂಲದ ಚಪ್ಪಲಿ ವಿನ್ಯಾಸಕನೊಬ್ಬನನ್ನು ಪೊಲೀಸರು ಜೈಲಿಗಟ್ಟಿದ್ದಾರೆ.
ಮೂಲಗಳ ಪ್ರಕಾರ ಪೇಶಾವರದಲ್ಲಿರುವ ಶಾರುಖ್ ಸಹೋದರ ಸಂಬಂಧಿಯೊಬ್ಬರು ಚಪ್ಪಲಿ ವಿನ್ಯಾಸಕ ಜಹಾಂಗೀರ್ ಖಾನ್ ಅವರ ಬಳಿ ತೆರಳಿ ಶಾರುಖ್ಗಾಗಿ ವಿಶೇಷ ಪೇಶಾವರಿ ಚಪ್ಪಲಿಯನ್ನು ವಿನ್ಯಾಸಗೊಳಿಸುವಂತೆ ಕೇಳಿಕೊಂಡಿದ್ದರು.
ಆದರೆ ಶಾರುಖ್ ಅವರ ದೊಡ್ಡ ಅಭಿಮಾನಿಯಾಗಿದ್ದ ಜಹಾಂಗೀರ್ ಜಿಂಕೆಯ ಚರ್ಮದಿಂದ ವಿಶೇಷ ಪೇಶಾವರಿ ಚಪ್ಪಲಿಯನ್ನು ತಯಾರಿಸಿ ಅದನ್ನು ತಾನೇ ಖುದ್ದಾಗಿ ಶಾರುಖ್ಗೆ ಉಡುಗೊರೆ ನೀಡಲು ನಿರ್ಧರಿಸಿದ್ದ. ಈ ಸುದ್ದಿ ಹರಡುತ್ತಿದ್ದಂತೆ ಪಾಕಿಸ್ಥಾನದ ವನ್ಯಜೀವಿ ಇಲಾಖೆಯ ಅಧಿಕಾರಿಗಳು ಜಹಾಂಗೀರ್ ವಿರುದ್ಧ ಪ್ರಕರಣವನ್ನು ದಾಖಲಿಸಿ, ಬಂಧಿಸಿದ್ದಾರೆ.
ಅಲ್ಲದೆ ಜಿಂಕೆಯ ಚರ್ಮವನ್ನು ಚಪ್ಪಲಿಯಲ್ಲಿ ಬಳಸಲಾಗಿದೆಯೇ ಎಂಬ ಬಗ್ಗೆ ತನಿಖೆ ನಡೆಸುತ್ತಿದ್ದಾರೆ. ಒಂದು ವೇಳೆ ಜಿಂಕೆ ಚರ್ಮ ಬಳಸಿದ್ದು ಕಂಡು ಬಂದರೆ ವನ್ಯ ಜೀವಿ ಕಾಯ್ದೆ ಅನ್ವಯ ದಂಡ ಹಾಗೂ ಸೆರೆವಾಸವನ್ನು ಜಹಾಂಗೀರ್ ಅನುಭವಿಸಬೇಕಾಗುತ್ತದೆ.
ಪೇಶಾವರದಲ್ಲಿ ಶಾರುಖ್ ಖಾನ್ಗೆ ಬಹಳಷ್ಟು ಅಭಿಮಾನಿಗಳಿದ್ದಾರೆ ಎನ್ನಲಾಗಿದೆ.
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.