ವಿದೇಶಿ ವಿದ್ಯಾರ್ಥಿಗಳಿಗೆ ಭಾರತ ದರ್ಶನ ಕಾರ್ಯಕ್ರಮ

ಬೆಂಗಳೂರು : ಭಾರತಅತ್ಯಂತ ಶ್ರೀಮಂತ ಸಂಸ್ಕೃತಿ, ಪರಂಪರೆ, ಕಲೆಗಳ ಬೀಡು. ಇದನ್ನು ವಿದೇಶೀ ವಿದ್ಯಾರ್ಥಿಗಳಿಗೆ ಪರಿಚಯಿಸುವ ಅಪರೂಪದ ಕಾರ್ಯಕ್ರಮ ಗುರುವಾರ ನಗರದಲ್ಲಿ ನಡೆಯಿತು. ಅಮೆರಿಕ, ನಾರ್ವೆ ಮತ್ತು ಭಾರತದ ವಿದ್ಯಾರ್ಥಿಗಳಿಗೆ ಭಾರತವನ್ನು ಪರಿಚಯಿಸುವ ಪ್ರಯತ್ನ ಬೆಂಗಳೂರಿನ ಪಿಇಎಸ್ ಶಿಕ್ಷಣ ಸಂಸ್ಥೆ ಮತ್ತು ಅಮೆರಿಕದ ಇಂಡಿಯಾನಾಯೂನಿವರ್ಸಿಟಿ ಆಫ್ ಪೆನ್ಸಿಲ್ವೇನಿಯಾ ಸಂಸ್ಥೆಗಳಿಂದ ನಡೆದಿದೆ. ಸಾಂಸ್ಕೃತಿಕ ವಿನಿಮಯದ ಭಾಗವಾಗಿ ಎಂಬಿಎ ವಿದ್ಯಾರ್ಥಿಗಳಿಗೆ ಭಾರತೀಯ ಸಂಸ್ಕೃತಿಯನ್ನು ಪರಿಚಯಿಸುವ ಪ್ರಯತ್ನ ಯಶಸ್ವಿಯಾಗಿ ಮುಕ್ತಾಯಗೊಂಡಿತು.

ಆಗ್ರಾ, ಜೈಪುರ ಮತ್ತು ದೆಹಲಿಗಳಿಗೆ ಭೇಟಿ ನೀಡಿದ ವಿದ್ಯಾರ್ಥಿಗಳು ಮೈಸೂರು ಮತ್ತು ಬೆಂಗಳೂರುಗಳಲ್ಲಿ ಅಧ್ಯಯನ ಪ್ರವಾಸಕೈಗೊಂಡಿದ್ದಾರೆ. ಸಂಸ್ಕೃತಿಯೊಂದಿಗೆ ಬಹುರಾಷ್ಟ್ರೀಯ ಕಂಪೆನಿಗಳಿಗೆ ಭೇಟಿ ನೀಡಿ ಅಲ್ಲಿನ ಕಾರ್ಯವೈಖರಿಯನ್ನು ತಿಳಿಯುವ ಪ್ರಯತ್ನವೂ ನಡೆದಿದ್ದು ವಿದ್ಯಾರ್ಥಿಗಳು, ಭಾರತೀಯ ಆರ್ಥಿಕತೆ, ವ್ಯವಹಾರ, ಸಂಸ್ಕೃತಿಗಳ ಬಗ್ಗೆ ವಿಚಾರ ಸಂಕಿರಣ, ಚರ್ಚೆಗಳಲ್ಲಿ ಪಾಲ್ಗೊಂಡರು

ಬೆಂಗಳೂರಿನಲ್ಲಿ ಚಿತ್ರಕಲಾ ಪರಿಷತ್, ವಿಧಾನಸೌಧ ಸಹಿತ ವಿವಿಧ ಸಾಂಸ್ಕೃತಿಕ, ಆಡಳಿತ, ಕಲಾ ಕೇಂದ್ರಗಳಿಗೆ ತೆರಳಿರುವ ತಂಡ, ಬೆಂಗಳೂರಿನಲ್ಲಿ ದಾಂಡಿಯಾದ ವೈಭವವನ್ನುಕಂಡು ಪುಳಕಿತಗೊಂಡರು.

ಪಿಇಎಸ್-ಐಯುಪಿ ಮ್ಯಾನೇಜ್‌ಮೆಂಟ್ ಪ್ರೋಗ್ರಾಂ ಮೂಲಕ ಅಮೆರಿಕ, ನಾರ್ವೆ ಮತ್ತು ಭಾರತೀಯ ಎಂಬಿಎ ವಿದ್ಯಾರ್ಥಿಗಳಿಗೆ ಭಾರತದರ್ಶನದ ಅಪರೂಪದ ಅಧ್ಯಯನಒದಗಿ ಬಂದಿದ್ದು, ೧೮೭೫ರಲ್ಲಿ ಸ್ಥಾಪನೆಯಾದ ಇಂಡಿಯಾನಾಯೂನಿವರ್ಸಿಟಿ ಆಫ್ ಪೆನ್ಸಿಲ್ವೇನಿಯಾದಲ್ಲಿ ಇಂದು ೧೪ ಸಾವಿರ ವಿದೇಶಿ ವಿದ್ಯಾರ್ಥಿಗಳು ವ್ಯಾಸಂಗ ಮಾಡುತ್ತಿದ್ದಾರೆ.

ಈ ಸಂಸ್ಥೆಯೊಂದಿಗೆ ಪಿಇಎಸ್‌ಅಧ್ಯಯನ ಪಾಲುದಾರಿಕೆ ಹೊಂದಿರುವುದರಿಂದ ಇದೀಗ ಭಾರತದರ್ಶನವನ್ನು ವಿದೇಶಿ ವಿದ್ಯಾರ್ಥಿಗಳಿಗೆ ಮಾಡಿಸುವಕಾರ್ಯವನ್ನು ಪಿಇಎಸ್ ಮಾಡಿದೆ. ಈ ಮೂಲಕ ಮ್ಯಾನೇಜ್‌ಮೆಂಟ್ ವಿದ್ಯಾರ್ಥಿಗಳ ನಿರ್ವಹಣಾ ನಿಪುಣತೆಯನ್ನು ಹೆಚ್ಚಿಸುವುದಕ್ಕೆ ನೆರವಾಗಿದೆಎಂದು ಪಿಇಎಸ್-ಐಯುಪಿ ಮ್ಯಾನೇಜ್‌ಮೆಂಟ್ ಪ್ರೋಗಾಂನ ಸಹ ನಿರ್ದೇಶಕರಾದ ದಿವ್ಯಶ್ರೀ ರವಿಶಂಕರ್ ಮತ್ತು ಎಬರ್ಲಿ ಕಾಲೇಜ್‌ಆಫ್ ಬಿಸಿನೆಸ್‌ನ ಸಹ ಡೀನ್‌ಡಾ.ಪ್ರಶಾಂತ್ ಭಾರದ್ವಾಜ್‌ಅವರು ತಿಳಿಸಿದ್ದಾರೆ.