ಒಂದು ಸಾಫ್ಟ್ ಡ್ರಿಂಕ್ ಮತ್ತು ಅದರ ಪಕ್ಕದಲ್ಲಿ ಒಂದು ಡಿಟೋನೇಟರ್ ಇರುವಂತಹ ಚಿತ್ರಣದೊಂದಿಗೆ, ಇದನ್ನು ಬಳಸಿ ನಾವು ರಷ್ಯಾ ವಿಮಾನ ಪತನ ಮಾಡಿದ್ದೇವೆ ಎಂಬ ಹೇಳಿಕೆಯನ್ನು ಇಸಿಸ್ ಬಿಡುಗಡೆ ಮಾಡಿದೆ.
ಸಿರಿಯಾದ ಮೇಲೆ ರಷ್ಯಾ ಮಾಡಿದ ವಾಯುದಾಳಿಗೆ ಪ್ರತೀಕಾರಕ್ಕಾಗಿ ರಷ್ಯಾ ಮೇಲೆ ಈ ರೀತಿ ದಾಳಿ ನಡೆಸಲಾಗಿದೆ. ನಾವು ಸೋಡಾ ಕ್ಯಾನಿನೊಳಗೆ ಬಾಂಬ್ ಇಟ್ಟು ವಿಮಾನವನ್ನು ಪತನಗೊಳಿಸುತ್ತೇವೆ. ರಷ್ಯಾ ವಿಮಾನವನ್ನೂ ಇದೇ ರೀತಿ ಸ್ಫೋಟಿಸಿ 224 ಜನರನ್ನು ಕೊಂದಿದ್ದೇವೆ ಎಂದು ಇಸಿಸ್ ಹೇಳಿಕೊಂಡಿದೆ.
ಉಗ್ರರು ರಷ್ಯಾ ವಿಮಾನದೊಳಗೆ ಭದ್ರತಾ ಸಿಬ್ಬಂದಿಗಳಿಗೂ ತಿಳಿಯದ ರೀತಿ ಸೋಡಾ ಕ್ಯಾನ್ ಬಾಂಬ್ ಅನ್ನು ಯಾರಿಗೂ ಗೊತ್ತಾಗದ ರೀತಿ ಇರಿಸಿ ಅದಕ್ಕೆ ಟೈಮರ್ ಸೆಟ್ ಮಾಡಿದ್ದರು. ನಂತರ ಅದು ಈಜಿಪ್ಟ್ ಬಳಿ ಸ್ಫೋಟಗೊಂಡು ಚೂರು ಚೂರಾಗಿ ಕಿಲೋಮೀಟರ್‌ಗಳಷ್ಟು ವ್ಯಾಪ್ತಿಯಲ್ಲಿ ಹರಡಿ ವಿಮಾನ ಪತನಗೊಂಡಿತು.
ಅಮೇರಿಕಾ ಅಥವಾ ಅದರ ಮಿತ್ರ ರಾಷ್ಟ್ರಗಳಲ್ಲಿ ಯಾವುದಾದರೊಂದು ರಾಷ್ಟ್ರದ ವಿಮಾನವನ್ನು ಸ್ಫೋಟಿಸುವ ಯೋಜನೆಯಿದ್ದು, ಇದಕ್ಕೆ ರಷ್ಯಾದ ವಿಮಾನವನ್ನು ಆರಿಸಿಕೊಳ್ಳಲಾಯಿತು. ಈ ಎಲ್ಲಾ ಕಾರ್ಯಾಚರಣೆಯ ಮಾಹಿತಿಯನ್ನು ಇಸಿಸ್ ಉಗ್ರರ ಆನ್‌ಲೈನ್ ಮ್ಯಾಗಜಿನ್ ಡ್ಯಾಬಿಕ್‌ನ ಹೊಸ ಆವೃತ್ತಿಯಲ್ಲಿ ಸಚಿತ್ರವಾಗಿ ವಿವರಿಸಿದೆ.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
