ಬೋಸ್ಟನ್: ವಿವಿಧ ಕ್ಷೇತ್ರಗಳಲ್ಲಿ ಸಾಧನೆಗಳ ಮೂಲಕ ಮೈಲುಗಲ್ಲು ಸ್ಥಾಪಿಸಿರುವ ಈ 17ರ ಬಾಲಕನಿಗೆ ತನ್ನ ಹದಿಹರೆಯದ ವಯಸ್ಸಿನಿಂದಾಗಿ ಹಲವು ಸಮಸ್ಯೆಗಳು ಎದುರಾಗಿವೆ. ಕ್ಯಾಲಿಫೋರ್ನಿಯಾದ ಸಾನ್ ಗ್ಯಾಬ್ರಿಯೆಲ್‌ನ ಮೊಷೆ ಕಾಯ್ ಕ್ಯಾವಲಿನ್ ತನ್ನ 11ನೇ ವಯಸ್ಸಿನಲ್ಲೇ ಇಲ್ಲಿನ ಕಮ್ಯುನಿಟಿ ಕಾಲೇಜಿನಿಂದ ಪದವಿ ಪಡೆದಿದ್ದಾನೆ.
ಲಾಸ್ ಏಂಜಲಿಸ್‌ನ ಕ್ಯಾಲಿಫೋರ್ನಿಯಾ ವಿಶ್ವವಿದ್ಯಾಲಯದಿಂದ ಗಣಿತ ವಿಷಯದಲ್ಲೂ ಪದವಿ ಪಡೆದಿದ್ದಾನೆ. ಬ್ಯಾಂಡೀಸ್ ವಿಶ್ವವಿದ್ಯಾಲಯದಿಂದ ಸೈಬರ್ ಭದ್ರತೆ ವಿಷಯದಲ್ಲಿ ಆನ್‌ಲೈನ್ ಸ್ನಾತಕೋತ್ತರ ಪದವಿ ಹೊಂದಲು ನಿರ್ಧರಿಸಿರುವ ಕ್ಯಾವಲಿನ್, ನಾಸಾಗೆ ವಿಮಾನ ಮತ್ತು ಡ್ರೋನ್ ಕಣ್ಗಾವಲು ತಂತ್ರಜ್ಞಾನ ಅಭಿವೃದ್ಧಿಪಡಿಸಲು ಸಹಾಯ ಮಾಡುತ್ತಿದ್ದಾನೆ.
ಈಗಾಗಲೇ ವಿಮಾನವನ್ನು ಚಲಾಯಿಸಲು ಕಲಿತಿದ್ದು, ವರ್ಷಾಂತ್ಯದೊಳಗೆ ವಿಮಾನ ಚಲಾವಣಾ ಲೈಸೆನ್ಸ್ ಹೊಂದುವ ಯೋಜನೆ ಹೊಂದಿದ್ದಾನೆ. ತನ್ನ ಹಲವು ಅನುಭವಗಳನ್ನು ಬರೆದಿರುವ ಎರಡನೇ ಪುಸ್ತಕವನ್ನೂ ಪ್ರಕಟಿಸಿದ್ದಾನೆ. ಸೈಬರ್ ಭದ್ರತೆ ವಿಷಯದಲ್ಲಿ ಸ್ನಾತಕೋತ್ತರ ಪದವಿ ಬಳಿಕ ವ್ಯವಹಾರ ಅಧ್ಯಯನ ವಿಷಯದಲ್ಲೂ ಸ್ನಾತಕೋತ್ತರ ಪದವಿ ಪಡೆಯುವ ಮೂಲಕ ತನ್ನದೇ ಸೈಬರ್ ಭದ್ರತಾ ಸಂಸ್ಥೆ ನಡೆಸುವ ಯೋಜನೆ ಹೊಂದಿದ್ದಾನೆ.
ಗಣಿತ, ಕಂಪ್ಯೂಟರ್ ಹಾಗೂ ವಿಮಾನ ತಂತ್ರಜ್ಞಾನವನ್ನು ತಿಳಿದುಕೊಂಡಿದ್ದ ಕ್ಯಾವಲಿನ್‌ನ್ನು ತಮ್ಮ ಪ್ರಾಜೆಕ್ಟ್‌ಗಾಗಿ ನಾಸಾ ಕರೆಸಿದೆ ಎಂದು ನಾಸಾದಲ್ಲಿ ಕ್ಯಾವಲಿನ್‌ನ ಶಿಕ್ಷಕ ರಿಕಾರ್ಡೋ ಆರ್ಟಿಗಾ ಹೇಳಿದ್ದಾರೆ.
News13
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
