ಮೋದಿಯ ಐದು ರಾಷ್ಟ್ರ ರಾಜತಾಂತ್ರಿಕತೆ: ಭಾರತದ ಜಾಗತಿಕ ಪ್ರಭಾವದಲ್ಲಿ ಹೊಸ ಯುಗ

ನವದೆಹಲಿ: ಬಿಜೆಪಿ ರಾಷ್ಟ್ರೀಯ ವಕ್ತಾರ ಸುಧಾಂಶು ತ್ರಿವೇದಿ ಗುರುವಾರ ಪ್ರಧಾನಿ ನರೇಂದ್ರ ಮೋದಿಯವರ ಇತ್ತೀಚಿನ ಐದು ರಾಷ್ಟ್ರಗಳ ರಾಜತಾಂತ್ರಿಕ ಪ್ರವಾಸವನ್ನು ಶ್ಲಾಘಿಸಿದ್ದು, ಇದು ಭಾರತದ ಅಂತರರಾಷ್ಟ್ರೀಯ ಪಾತ್ರಕ್ಕೆ, ವಿಶೇಷವಾಗಿ ಆಫ್ರಿಕನ್ ಮತ್ತು ದಕ್ಷಿಣ ರಾಷ್ಟ್ರಗಳೊಂದಿಗೆ ಮೈತ್ರಿ ಬೆಳೆಸುವಲ್ಲಿ ಒಂದು ಪರಿವರ್ತಕ ಹೆಜ್ಜೆ ಎಂದು ಬಣ್ಣಿಸಿದ್ದಾರೆ. ಪತ್ರಿಕಾಗೋಷ್ಠಿಯಲ್ಲಿ, ಬಿಜೆಪಿ ಸಂಸದರು ಮೋದಿ ಅವರ ವಿದೇಶಿ  ಪ್ರವಾಸದ ಮಹತ್ವದ ಫಲಿತಾಂಶಗಳನ್ನು ಪುನರುಚ್ಛರಿಸಿದ್ದಾರೆ.

ಪಹಲ್ಗಾಮ್ ಭಯೋತ್ಪಾದಕ ದಾಳಿಯನ್ನು ಬ್ರಿಕ್ಸ್ ದೇಶಗಳು ತೀವ್ರವಾಗಿ ಖಂಡಿದ್ದು ಬಿಜೆಪಿ ನೇತೃತ್ವದ ಸರ್ಕಾರಕ್ಕೆ ಪ್ರಮುಖ ‘ರಾಜತಾಂತ್ರಿಕ ಯಶಸ್ಸು’ ಎಂದು  ತ್ರಿವೇದಿ ಹೇಳಿದ್ದಾರೆ.

ಪ್ರವಾಸದ ಸಾಧನೆಗಳನ್ನು ಎತ್ತಿ ತೋರಿಸುತ್ತಾ, ಬ್ರಿಕ್ಸ್ ಶೃಂಗಸಭೆಯಲ್ಲಿ ಮೋದಿ ಭಯೋತ್ಪಾದನೆಯ ವಿಷಯವನ್ನು ಪರಿಣಾಮಕಾರಿಯಾಗಿ ಪ್ರತಿಪಾದಿಸಿದರು, ಭಯೋತ್ಪಾದಕರು ಮತ್ತು ಅವರ ಬಲಿಪಶುಗಳ ನಡುವೆ ಯಾವುದೇ ಸಮಾನತೆ ಇಲ್ಲ ಎಂದು ಒತ್ತಿ ಹೇಳಿದರು. ಇದು ಭಾರತಕ್ಕೆ ಪ್ರಮುಖ ರಾಜತಾಂತ್ರಿಕ ಗೆಲುವು. ಆರ್ಥಿಕವಾಗಿ, ಘಾನಾ ಮತ್ತು ನಮೀಬಿಯಾದಂತಹ ಖನಿಜ-ಸಮೃದ್ಧ ರಾಷ್ಟ್ರಗಳೊಂದಿಗಿನ ಒಪ್ಪಂದಗಳು ಭಾರತಕ್ಕೆ ಪ್ರಯೋಜನವನ್ನು ನೀಡುವ ಸಾಧ್ಯತೆಯಿದೆ, ಟ್ರಿನಿಡಾಡ್ ಆಂಡ್ ಟೊಬಾಗೋದಂತಹ ರಾಷ್ಟ್ರಗಳೊಂದಿಗೆ ಸಾಂಸ್ಕೃತಿಕ ಸಂಬಂಧಗಳನ್ನು ಬಲಪಡಿಸಲಾಗಿದೆ, ಜಾಗತಿಕ ಮಟ್ಟದಲ್ಲಿ ಭಾರತದ ಕಾರ್ಯತಂತ್ರ, ಸಾಂಸ್ಕೃತಿಕ ಮತ್ತು ಆರ್ಥಿಕ ತೊಡಗಿಸುವಿಕೆಯನ್ನು ಹೆಚ್ಚಿಸಲಾಗಿದೆ.