ಸ್ಟ್ಯಾಫರ್ಡ್‌ಶೈರ್: ಮೊದಲ ಮಹಾ ಯುದ್ಧದ ಸಂದರ್ಭ ಮಡಿದ ಸಿಖ್ ಸೈನಿಕರ ಗೌರವಾರ್ಥವಾಗಿ ಮೊದಲ ರಾಷ್ಟ್ರೀಯ ಸಿಖ್ ಸ್ಮಾರಕ ಯು.ಕೆ. ರಾಷ್ಟ್ರದ ಸ್ಟ್ಯಾಫರ್ಡ್‌ಶೈರ್‌ನ ನ್ಯಾಶನಲ್ ಮೆಮೋರಿಯಲ್ ಆರ್ಬೋರೇಟಂ ಇಲ್ಲಿ ನ.1ರಂದು ಅನಾವರಣಗೊಳ್ಳಲಿದೆ.
ಪ್ರಥಮ ಬಾರಿಗೆ ಈ ರೀತಿಯ ಸ್ಮಾರಕವೊಂದನ್ನು ನಿರ್ಮಿಸಲಾಗುತ್ತಿದ್ದು, ಯುದ್ಧದಲ್ಲಿ ಸಾವನ್ನಪ್ಪಿದ್ದ 1,30,000 ಸೈನಿಕರ ಸ್ಮರಣಾರ್ಥ ಪ್ರತಿಮೆಯನ್ನು ಸಮಾರಂಭವೊಂದರಲ್ಲಿ ಅನಾವರಣಗೊಳಿಸಲಾಗುತ್ತಿದೆ. ಕಿಕ್‌ಸ್ಟಾರ್ಟರ್ ವೆಬ್‌ಸೈಟ್‌ನಲ್ಲಿ ‘ww1 sikh memorial fund’ ಮೂಲಕ ಅನನ್ಯ ರೀತಿಯಲ್ಲಿ ಪ್ರಚಾರ ನಡೆಸಿ ನಿಧಿ ಸಂಗ್ರಹಿಸಲಾಗಿದೆ. ವಿವಿಧ ಧರ್ಮದ ಸುಮಾರು 200 ಜನರು ಸ್ಮಾರಕ ನಿರ್ಮಾಣಕ್ಕೆ ದಾನ ನೀಡಿದ್ದಾರೆ. ಸುಮಾರು 153 ಬೆಂಬಲಿಗರು 22,685 ಪೌಂಡ್‌ಗಳಷ್ಟು ಧನ ಸಹಾಯ ಮಾಡುವುದಾಗಿ ವಾಗ್ದಾನ ನೀಡಿದ್ದಾರೆ ಎಂದು ಸುದ್ದಿ ಸಂಸ್ಥೆಯೊಂದು ವರದಿ ಮಾಡಿದೆ.
ಸಿಖ್ಖರ ಎದೆಗಾರಿಕೆ, ತ್ಯಾಗವನ್ನು ವಿಶ್ವಕ್ಕೆ ಪರಿಚಯಿಸಲು ಈ ಸಾಧನೆ ಮೂಲಕ ಸಾಧ್ಯವಾಗಿದೆ ಎಂದು ದತ್ತಿ ಸಂಸ್ಥಾಪಕ ಅಧ್ಯಕ್ಷ ಜಯ್ ಸಿಂಗ್ ಸೋಹಲ್‌ ಹೇಳಿದ್ದಾರೆ.
ರಕ್ಷಣಾ ಸಚಿವ ಹಾಗೂ ಸಂಸದ ಪೆನ್ನಿ ಮೋಡಾಂಟ್ ಅವರು ಸ್ಮಾರಕ ಅನಾವರಣದ ಸಂದರ್ಭ ಬಿಡುಗಡೆಯಾಗಲಿರುವ ’ಸಿಖ್ ಕ್ರಾನಿಕಲ್’ ಮೂಲಕ ಸಿಖ್ ಸಮುದಾಯಕ್ಕೆ ಗೌರವ ಅರ್ಪಣೆ ಮಾಡಲಿದ್ದಾರೆ.
ಹಲವು ಗಣ್ಯರ ಭಾಷಣ, ಬ್ರಿಟಿಷ್ ಸೇನೆಯ ಬ್ಯಾಂಡ್‌ನ ಮೂಲಕ ಅನಾವರಣ ಕಾರ್ಯಕ್ರಮ ನಡೆಯಲಿದೆ.
News13
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
