ಅಯೋಧ್ಯಾ: ಡಿಸೆಂಬರ್ 30 ರಂದು ಅಯೋಧ್ಯೆಗೆ ಭೇಟಿ ನೀಡಿದ ಸಂದರ್ಭದಲ್ಲಿ ಪ್ರಧಾನಿ ನರೇಂದ್ರ ಮೋದಿ ಉಜ್ವಲ ಫಲಾನುಭವಿ ಮೀರಾ ಮಾಂಝಿ ಅವರ ಮನೆ ಭೇಟಿ ನೀಡಿದ್ದರು. ಇದೀಗ ಮೋದಿ, ಮೀರಾ ಮಾಂಝಿ ಅವರ ಕುಟುಂಬಕ್ಕೆ ಉಡುಗೊರೆ ಮತ್ತು ಪತ್ರವನ್ನು ಕಳುಹಿಸಿಕೊಟ್ಟಿದ್ದಾರೆ. ಈ ಬಗ್ಗೆ ಅವರ ಕುಟುಂಬ ಅತೀವ ಸಂತೋಷವನ್ನು ವ್ಯಕ್ತಪಡಿಸಿದೆ.
“ನನಗೆ ತುಂಬಾ ಸಂತೋಷವಾಗಿದೆ. ಮೋದಿ ನನ್ನ ಮಕ್ಕಳಿಗೆ ಕೆಲವು ಉಡುಗೊರೆಗಳೊಂದಿಗೆ ಹೊಸ ವರ್ಷದ ಶುಭಾಶಯಗಳನ್ನು ಕಳುಹಿಸಿದ್ದಾರೆ”ಎಂದು ಮಾಂಝಿ ತಿಳಿಸಿದ್ದಾರೆ.
ಮೋದಿ ಅವರು ಡಿಸೆಂಬರ್ 30 ರಂದುಅಯೋಧ್ಯೆ ಭೇಟಿಯ ಸಂದರ್ಭದಲ್ಲಿ ಅವರ ಮನೆಗೆ ಭೇಟಿ ನೀಡಿದ್ದರು, ಆ ಸಮಯದಲ್ಲಿ ಅವರು ಮಾಝಿ ಮನೆಯಲ್ಲಿ ಚಹಾ ಸೇವಿಸಿದ್ದರು. ಬುಧವಾರ, ಪ್ರಧಾನಿಯವರು ಮೀರಾ ಮಾಂಝಿ ಅವರಿಗೆ ಪತ್ರ ಮತ್ತು ಉಡುಗೊರೆಗಳನ್ನು ಕಳುಹಿಸಿದ್ದಾರೆ. ಉಡುಗೊರೆಗಳಲ್ಲಿ ಚಹಾ ಸೆಟ್, ಬಣ್ಣಗಳ ಡ್ರಾಯಿಂಗ್ ಪುಸ್ತಕ ಮುಂತಾದವು ಸೇರಿವೆ. ಪ್ರಧಾನಮಂತ್ರಿ ಭೇಟಿಯ ನಂತರ, ಅಧಿಕಾರಿಗಳು ಆಯುಷ್ಮಾನ್ ಕಾರ್ಡ್ ಅನ್ನು ಆಕೆಗೆ ನೀಡಿದ್ದಾರೆ.
“ಉಜ್ವಲಾ ಯೋಜನೆಯ 100ನೇ ಕೋಟಿಯ ಫಲಾನುಭವಿಯಾಗಿ, ನೀವು ನನಗೆ ಕೇವಲ ಅಂಕಿ ಅಂಶವಲ್ಲ. ಕೋಟ್ಯಂತರ ಭಾರತೀಯರ ಕನಸುಗಳ ಈಡೇರಿಕೆಗೆ ನಾನು ಇದನ್ನು ಉದಾಹರಣೆಯಾಗಿ ನೋಡುತ್ತೇನೆ”ಎಂದು ಅವರು ಮಾಂಝಿ ಅವರಿಗೆ ಹೇಳಿದ್ದಾರೆ.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
