ನವದೆಹಲಿ: ಭಾರತವು ಈ ಡಿಸೆಂಬರ್‌ನಲ್ಲಿ 13.8 ಮಿಲಿಯನ್ ಪ್ರಯಾಣಿಕರೊಂದಿಗೆ ಒಂದು ತಿಂಗಳಲ್ಲಿನ ಹೆಚ್ಚು ದೇಶೀಯ ದಟ್ಟಣೆಯನ್ನು ಕಂಡಿದೆ. ಒಂದು ತಿಂಗಳ ಲೆಕ್ಕಾಚಾರದಲ್ಲಿ ಇದು ಹೊಸ ಗರಿಷ್ಠ ಎಂದು ಮೂಲಗಳು ತಿಳಿಸಿವೆ.
ಈ ವರ್ಷದ ಮೇ ತಿಂಗಳಲ್ಲಿ 13.21 ಮಿಲಿಯನ್ ದೇಶೀಯ ಪ್ರಯಾಣಿಕರು ವಾಯುಯಾನ ನಡೆಸಿ ದಾಖಲೆ ನಿರ್ಮಿಸಿದ್ದರು. ಆದರೆ ಡಿಸೆಂಬರ್ ತಿಂಗಳಲ್ಲಿ ದೇಶೀಯ ವಿಮಾನ ಪ್ರಯಾಣಿಕರು ಈ ದಾಖಲೆಯನ್ನು ಮುರಿದಿದ್ದಾರೆ
ಡಿಸೆಂಬರ್ ತಿಂಗಳಲ್ಲಿ ಭಾರತದ ವಾಯುಯಾನ 2019 ರ ಡಿಸೆಂಬರ್ ಸಂಖ್ಯೆಯನ್ನೂ ಮೀರಿಸಿದೆ ಮತ್ತು ಸಾಂಕ್ರಾಮಿಕ ನಂತರದ ಚೇತರಿಕೆಯನ್ನು ದೃಢಪಡಿಸಿದೆ.
2023ರ ಡಿಸೆಂಬರ್ ತಿಂಗಳ 13.8 ಮಿಲಿಯನ್ ದೇಶೀಯ ಪ್ರಯಾಣಿಕರು ಡಿಸೆಂಬರ್ 2022 ಕ್ಕಿಂತ 8.4% ಮತ್ತು ಡಿಸೆಂಬರ್ 2019 ಕ್ಕಿಂತ 6.1% ರಷ್ಟು ಹೆಚ್ಚು. ಡಿಸೆಂಬರ್ 2023 ರಲ್ಲಿ 91044 ವಿಮಾನಗಳು ಹಾರಾಟ ನಡೆಸಿವೆ, ಇದು ಡಿಸೆಂಬರ್ 2022 ಕ್ಕಿಂತ 3% ಹೆಚ್ಚು. ಡಿಸೆಂಬರ್ 2019 ರಲ್ಲಿ, ಎಲ್ಲಾ ಏರ್‌ಲೈನ್‌ಗಳ ದೇಶೀಯ ವಿಮಾನಗಳು 94910 ರಷ್ಟಿದ್ದವು, ಇದು 2023 ಕ್ಕಿಂತ ಹೆಚ್ಚು. ಮೂರು ಏರ್‌ಲೈನ್‌ಗಳಿಂದ ನಡೆಸಲ್ಪಡುವ ಭಾರತೀಯ ವಿಮಾನಗಳ ಸಕ್ರಿಯ ಫ್ಲೀಟ್ ಕಳೆದ ವರ್ಷ ಕಡಿಮೆಯಾಗಿದೆ. ಸ್ಪೈಸ್‌ಜೆಟ್‌ನ ಹಣಕಾಸಿನ ತೊಂದರೆಗಳು ಅದರ ವಿಮಾನಗಳ ಕಾರ್ಯಾಚರಣೆಗಳನ್ನು ಸ್ಥಗಿತಗೊಳಿಸಿದವು , ಮೇ ತಿಂಗಳಲ್ಲಿ ಮೊದಲ ಬಾರಿಗೆ ಅದು ಕಾರ್ಯಾಚರಣೆಯನ್ನು ಸ್ಥಗಿತಗೊಳಿಸಿತು ಮತ್ತು ಪ್ರಾಟ್ ಮತ್ತು ವಿಟ್ನಿ ಎಂಜಿನ್‌ಗಳ ಸಮಸ್ಯೆಗಳಿಂದಾಗಿ ಇಂಡಿಗೋದ 40 ಕ್ಕೂ ಹೆಚ್ಚು ವಿಮಾನಗಳು ಹಾರಾಟ ನಡೆಸಿಲ್ಲ.
ಕಡಿಮೆ ವಿಮಾನಗಳ ಹೊರತಾಗಿಯೂ ಹೆಚ್ಚಿನ ಸಂಖ್ಯೆಯ ಪ್ರಯಾಣಿಕರು ಭಾರತದ ವಾಯುಯಾನ ಪ್ರಯಾಣಿಕರ ಸಂಖ್ಯೆಯಲ್ಲಿ ವೃದ್ಧಿಯಾಗುತ್ತಿರುವುದನ್ನು ಪ್ರತಿಬಿಂಬಿಸುತ್ತದೆ.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
