ಮಂಜು ಕವಿದ ವಾತಾವರಣಕ್ಕೆ ತತ್ತರಿಸಿದ ದೆಹಲಿ: ವಿಮಾನ, ರೈಲು ಸಂಚಾರಕ್ಕೆ ಅಡ್ಡಿ

ನವದೆಹಲಿ: ದೆಹಲಿಯಲ್ಲಿ ದಟ್ಟವಾದ ಮಂಜು ಆವರಿಸಿರುವ ಹಿನ್ನೆಲೆಯಲ್ಲಿ ಜನಜೀವನ ಅಸ್ತವ್ಯಸ್ಥವಾಗಿದೆ. ವಿಮಾನಗಳ ಸಂಚಾರ ಮತ್ತು ರೈಲುಗಳ ಸಂಚಾರದಲ್ಲೂ ವ್ಯತ್ಯಯವಾಗಿದೆ. ವರದಿಗಳ ಪ್ರಕಾರ ಮಂಜು ಕವಿದ ಪರಿಣಾಮ ಗೋಚರತೆ ಕ್ಷೀಣಿಸಿದ ಪರಿಣಾಮ 110ಕ್ಕೂ ವಿಮಾನಗಳ ಹಾರಾಟ, 25ಕ್ಕೂ ಅಧಿಕ ರೈಲುಗಳ ಸಂಚಾರದ ಮೇಲೆ ತೀವ್ರ ಪರಿಣಾಮ ಬೀರಿದೆ.

ಶೀತ ಅಲೆಯ ಪರಿಸ್ಥಿತಿಗಳ ಕಾರಣ ಹವಾಮಾನ ಇಲಾಖೆಯು ರಾಷ್ಟ್ರ ರಾಜಧಾನಿಯಲ್ಲಿ “ಅತ್ಯಂತ ದಟ್ಟವಾದ ಮಂಜಿನ” ಬಗ್ಗೆ ರೆಡ್ ಅಲರ್ಟ್ ನೀಡಿದೆ. ದೆಹಲಿಗೆ ತೆರಳುವ 25 ರೈಲುಗಳು ವಿಳಂಬವಾಗಿವೆ ಎಂದು ಉತ್ತರ ರೈಲ್ವೆ ತಿಳಿಸಿದೆ.

ರಸ್ತೆಗಳು ಮಂಜು ಆವರಿಸಿದ್ದರಿಂದ ಉತ್ತರ ಪ್ರದೇಶದಾದ್ಯಂತ ಹಲವಾರು ಅಪಘಾತಗಳು ನಡೆದಿವೆ. ಆಗ್ರಾ-ಲಖನೌ ಎಕ್ಸ್‌ಪ್ರೆಸ್‌ವೇಯಲ್ಲಿ ಬಹು ವಾಹನಗಳು ಡಿಕ್ಕಿ ಹೊಡೆದು ಓರ್ವ ವ್ಯಕ್ತಿ ಸಾವನ್ನಪ್ಪಿದ್ದು, 12 ಮಂದಿ ಗಾಯಗೊಂಡಿದ್ದಾರೆ. ಬರೇಲಿಯಲ್ಲಿ, ಬರೇಲಿ-ಸುಲ್ತಾನ್‌ಪುರ ಹೆದ್ದಾರಿಯ ಬಳಿ ವೇಗವಾಗಿ ಬಂದ ಟ್ರಕ್ ಮನೆಯೊಂದಕ್ಕೆ ಡಿಕ್ಕಿ ಹೊಡೆದಿದೆ.

ಭಾರತೀಯ ಹವಾಮಾನ ಇಲಾಖೆ (IMD) ಪಂಜಾಬ್, ಹರಿಯಾಣ, ದೆಹಲಿ, ಯುಪಿ, ರಾಜಸ್ಥಾನ ಮತ್ತು ಮಧ್ಯಪ್ರದೇಶದ ಮೇಲೆ “ದಟ್ಟವಾದ ಮತ್ತು ದಟ್ಟವಾದ ಮಂಜಿನ ಪರಿಸ್ಥಿತಿಗಳು ಇವೆ” ಎಂದು ಭವಿಷ್ಯ ನುಡಿದಿದೆ.

ದೆಹಲಿಯಲ್ಲಿ, ಸಫ್ಗರ್ಜಂಗ್ ವೀಕ್ಷಣಾಲಯವು 50 ಮೀಟರ್‌ಗಳಷ್ಟು ಗೋಚರತೆಯನ್ನು ದಾಖಲಿಸಿದರೆ, ಇಂದಿರಾ ಗಾಂಧಿ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣದ ಬಳಿಯ ಸಫ್ದರ್ಜಂಗ್ ವೀಕ್ಷಣಾಲಯ ಕೇವಲ 25 ಮೀಟರ್‌ಗಳ ಗೋಚರತೆ ದಾಖಲಿಸಿದೆ ಇಳಿಯಿತು. ರಾಷ್ಟ್ರೀಯ ರಾಜಧಾನಿಯ ಹಲವಾರು ಭಾಗಗಳಲ್ಲಿ ಇನ್ನೂ ಕಡಿಮೆ ಗೋಚರತೆಯನ್ನು ವರದಿ ಮಾಡಿದ್ದಾರೆ.

ದೆಹಲಿಯ ಹೊರತಾಗಿ, ಹರಿಯಾಣ, ಉತ್ತರ ಪ್ರದೇಶ ಮತ್ತು ಪಂಜಾಬ್ ನಗರಗಳಲ್ಲೂ ದಟ್ಟವಾದ ಮಂಜು ಗೋಚರತೆ ಕಡಿಮೆಯಾಗಿದೆ. ಹರಿಯಾಣದ ಹಿಸಾರ್ ಮತ್ತು ಕರ್ನಾಲ್‌ನಲ್ಲಿ ಗೋಚರತೆ 25 ಮೀಟರ್‌ಗೆ ಇಳಿದರೆ ಆಗ್ರಾ, ಬರೇಲಿ ಮತ್ತು ಭಟಿಂಡಾದಲ್ಲಿ ಶೂನ್ಯಕ್ಕೆ ತಲುಪಿದೆ.