ಯಲಹಂಕದಲ್ಲಿ 200 ಆಕ್ಸಿಜನ್ ಹಾಸಿಗಗಳ ಆಸ್ಪತ್ರೆ ಸ್ಥಾಪಿಸಲು ಮುಂದಾದ ಬೋಯಿಂಗ್

ಬೆಂಗಳೂರು: ಕೊರೋನಾ ಬಿಕ್ಕಟ್ಟು ನಿಯಂತ್ರಣ ಹಿನ್ನೆಲೆಯಲ್ಲಿ ಸೋಂಕಿತರ ಚಿಕಿತ್ಸೆಗೆ ಅನುಕೂಲವಾಗುವಂತೆ ಏರೋಸ್ಪೇಸ್ ಬೋಯಿಂಗ್ ಇಂಡಿಯಾ ಬೆಂಗಳೂರಿನ‌ಲ್ಲಿ 200 ಆಕ್ಸಿಜನ್ ಹಾಸಿಗೆ ವ್ಯವಸ್ಥೆ ಹೊಂದಿರುವ ಆಸ್ಪತ್ರೆ ಸ್ಥಾಪನೆಗೆ ಮುಂದಾಗಿದೆ ಎಂದು ಸಿಎಂ ಬಿ ಎಸ್ ಯಡಿಯೂರಪ್ಪ ತಿಳಿಸಿದ್ದಾರೆ.

ರಾಜ್ಯದಲ್ಲಿ ಕೊರೋನಾ ಸೋಂಕು ತೀವ್ರ ಪ್ರಮಾಣದಲ್ಲಿ ಏರಿಕೆಯಾಗುತ್ತಿರುವ ಹಿನ್ನೆಲೆಯಲ್ಲಿ ಆಕ್ಸಿಜನ್ ಕೊರತೆ ಉಂಟಾಗಿರುವುದಾಗಿ ಕೇಂದ್ರ ಸಚಿವೆ ನಿರ್ಮಲಾ ಸೀತಾರಾಮ್ ಅವರಿಗೆ ಸಿಎಂ ಪತ್ರ ಬರೆದಿದ್ದಾರೆ. ಜೊತೆಗೆ ಮೇ 15 ರೊಳಗಾಗಿ ರಾಜ್ಯಕ್ಕೆ ಹೆಚ್ಚುವರಿ 1500 ಮೆ. ಟನ್ ಆಮ್ಲಜನಕ‌ದ ಅವಶ್ಯಕತೆ ಒದಗಿ ಬರಬಹುದು ಎಂದು ಮುಖ್ಯಮಂತ್ರಿ‌ಗಳು ಇದೇ ಸಂದರ್ಭದಲ್ಲಿ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.

ಆಮ್ಲಜನಕ‌ದ ಅಗತ್ಯತೆಯನ್ನು ಮನಗಂಡು ಬೋಯಿಂಗ್ ಬೆಂಗಳೂರಿನ ಯಲಹಂಕ‌ದ ಕೆಪಿಸಿಎಲ್ ಸೈಟ್‌ನಲ್ಲಿ 200 ಆಕ್ಸಿಜನ್ ಬೆಡ್‌ಗಳನ್ನೊಳಗೊಂಡ ಆಸ್ಪತ್ರೆಯನ್ನು ಕೊರೋನಾ ಸೋಂಕಿತರ ಚಿಕಿತ್ಸೆಗಾಗಿ ಬಳಕೆ ಮಾಡಲು ಮುಂದಾಗಿದೆ. ಇದರಿಂದಾಗಿ ರಾಜ್ಯದಲ್ಲಿ‌ನ ಆಮ್ಲಜನಕ ಅಭಾವ ಕೊಂಚ ಮಟ್ಟಿಗೆ ಕಡಿಮೆಯಾಗಲಿದೆ ಎಂದು ಅವರು ತಿಳಿಸಿದ್ದಾರೆ.

ಇನ್ನು ಏರೋಸ್ಪೇಸ್ ಬೋಯಿಂಗ್ ನ ಕ್ರಮವನ್ನು ಶ್ಲಾಘಿಸಿರುವ ಕೇಂದ್ರ ಸಚಿವೆ ನಿರ್ಮಲಾ ಸೀತಾರಾಮ್, ಕರ್ನಾಟಕದ‌ಲ್ಲಿ ಕೊರೋನಾ ಸೋಂಕಿತರ ಚಿಕಿತ್ಸೆಗೆ 200 ಆಕ್ಸಿಜನ್ ಹಾಸಿಗೆಗಳನ್ನು ಒಳಗೊಂಡ ಆಸ್ಪತ್ರೆ ನಿರ್ಮಾಣಕ್ಕೆ ಮುಂದಡಿಯಿಟ್ಟ ಬೋಯಿಂಗ್ ಗೆ ಧನ್ಯವಾದಗಳನ್ನು ತಿಳಿಸಿದ್ದಾರೆ.

Thanks @Boeing_In for coming forward to set up two 200 oxygenated bed hospitals in Karnataka for treating COVID-19 cases. Yelahanka(Bengaluru) & Kalaburgi.The latter also to serve Bidar, Belgaum & Raichur.
The nodal officers appointed by Hon CM @BSYBJP would expedite the process. pic.twitter.com/HmXZHStrOy

— Nirmala Sitharaman (@nsitharaman) May 7, 2021