ಲಂಡನ್: ನವೆಂಬರ್‌ನಲ್ಲಿ ಪ್ರಧಾನಿ ನರೇಂದ್ರ ಮೋದಿಯವರು ಇಂಗ್ಲೆಂಡ್‌ಗೆ ಭೇಟಿ ನೀಡುವ ವೇಳೆ ಜಗತ್ಪ್ರಸಿದ್ಧ ಕೊಹಿನೂರ್ ವಜ್ರವನ್ನು ಭಾರತಕ್ಕೆ ಮರಳಿಸಿ ಎಂದು ಬ್ರಿಟನ್ ಸಂಸದ ಭಾರತೀಯ ಮೂಲದ ಕೇತ್ ವಾಝ್ ಅಲ್ಲಿನ ಸರ್ಕಾರಕ್ಕೆ ಮನವಿ ಮಾಡಿಕೊಂಡಿದ್ದಾರೆ.
ಆಕ್ಸ್‌ಫರ್ಡ್ ಯೂನಿಯನ್‌ನಲ್ಲಿ ಕಾಂಗ್ರೆಸ್ ಸಂಸದ ಶಶಿ ತರೂರ್ ಅವರು ಭಾಷಣ ಮಾಡಿ, 200 ವರ್ಷಗಳ ಕಾಳ ಭಾರತವನ್ನು ಕ್ರೂರವಾಗಿ ಆಳಿದ ಬ್ರಿಟನ್ ಭಾರತದ ಸಾಕಷ್ಟು ಸಂಪತ್ತನ್ನು ದೋಚಿದೆ, ಇವೆಲ್ಲದಕ್ಕೂ ಅದು ನಷ್ಟ ಪರಿಹಾರ ತುಂಬಿ ಕೊಡಬೇಕು ಎಂದು ಪ್ರತಿಪಾದಿಸಿದ್ದರು.
ಇದೀಗ ತರೂರ್ ಅವರಿಗೆ ಬೆಂಬಲಿಸಿರುವ ಕೆತ್ ವಾಝ್ ಭಾರತದಿಂದ ಕಸಿದುಕೊಂಡಿರುವ ಕೊಹಿನೂರ್ ವಜ್ರವನ್ನು ಭಾರತಕ್ಕೆ ಮರಳಿಸುವಂತೆ ಬ್ರಿಟನ್ ಸರ್ಕಾರವನ್ನು ಕೇಳಿಕೊಂಡಿದ್ದಾರೆ.
ಏನಿದು ಕೊಹಿನೂರ್ ವಜ್ರ: ಕೊಹಿನೂರ್ ವಜ್ರ ಭಾರತಕ್ಕೆ ಸೇರಿದ ಜಗ್ಪತ್ರಸಿದ್ಧ, ಅತ್ಯಮೂಲ್ಯ ವಜ್ರ. ಮಧ್ಯಯುಗದಲ್ಲಿ ಆಂಧ್ರದ ಗುಂಟೂರಿನ ಕೊಲ್ಲೂರು ಗಣಿಯಲ್ಲಿ ಇದು ದೊರೆತಿತ್ತು. ಇದು ಕಾಕತೀಯ ವಂಶಕ್ಕೆ ಸೇರಿದ್ದು, ದೇವತೆಯ ಕಣ್ಣಾಗಿ ಇದನ್ನು ಬಳಸಲಾಗಿತ್ತು. ಬಳಿಕ ಬ್ರಿಟಿಷ್ ಆಳ್ವಿಕೆಯಲ್ಲಿ ಇದು ಲಂಡನ್ ಸೇರಿತ್ತು. ಪ್ರಸ್ತುತ ಇದು ರಾಣಿಯ ಕಿರೀಟದಲ್ಲಿದೆ ಎಂದು ಹೇಳಲಾಗಿದೆ.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
