ಕಚ್ಛಾ ತೈಲ ಬೆಲೆ ಕುಸಿತದಿಂದ ಭಾರತಕ್ಕೆ ಆಗಲಿದೆ ಪ್ರಯೋಜನ

ಕಳೆದ ಆರು ವರ್ಷಗಳಲ್ಲಿ ಎನ್‌ಡಿಎ ಸರ್ಕಾರವು ಮೂಲಸೌಕರ್ಯಕ್ಕೆ ಹೆಚ್ಚಿನ ಆದ್ಯತೆಯನ್ನು ನೀಡುತ್ತಿದೆ. ಸಾರ್ವಜನಿಕ ಸಾರಿಗೆ, ಹೆದ್ದಾರಿ ನಿರ್ಮಾಣ, ರೈಲ್ವೆ, ಜಲ ಸಾರಿಗೆ ಮತ್ತು ವಾಯು ಸಂಪರ್ಕದಲ್ಲಿ ಗಮನಾರ್ಹ ಹೂಡಿಕೆಯನ್ನು ಮಾಡಿದೆ. ಮೋದಿ ಸರ್ಕಾರದ ಆರಂಭಿಕ ವರ್ಷಗಳಲ್ಲಿನ ಮೂಲಸೌಕರ್ಯದಲ್ಲಿನ ಹೆಚ್ಚಿನ ಸಾರ್ವಜನಿಕ ಹೂಡಿಕೆಯನ್ನು ತೈಲ ಕೊಡುಗೆಗಳಿಂದ ಬೆಂಬಲಿಸಲಾಗಿದೆ.

ಆದರೂ, ಕಳೆದ ಆರು ವರ್ಷಗಳಲ್ಲಿ ಗಮನಾರ್ಹ ಹೂಡಿಕೆಯ ಹೊರತಾಗಿಯೂ, ಅಮೆರಿಕಾದಂತಹ ಅಭಿವೃದ್ಧಿ ಹೊಂದಿದ ಆರ್ಥಿಕತೆಗಳಿಗೆ ಅಥವಾ ಚೀನಾದಂತಹ ಅಭಿವೃದ್ಧಿಶೀಲ ರಾಷ್ಟ್ರಗಳಿಗೆ ಹೋಲಿಸಿದರೆ ಭಾರತವು ಇನ್ನೂ ಅತ್ಯಂತ ಬಡ ಮೂಲಸೌಕರ್ಯವನ್ನು ಹೊಂದಿದೆ. ಮೂಲಸೌಕರ್ಯದಲ್ಲಿ ಹೂಡಿಕೆ ಮಾಡಲು ಬೃಹತ್ ಅವಕಾಶವಿದೆ, ಇದು ದೊಡ್ಡ ಪ್ರಮಾಣದಲ್ಲಿ ಉದ್ಯೋಗವನ್ನು ಸೃಷ್ಟಿಸಬಲ್ಲದು ಮತ್ತು ಆರ್ಥಿಕ ಬೆಳವಣಿಗೆಯನ್ನೂ ಪುನರುಜ್ಜೀವನಗೊಳಿಸಬಲ್ಲದು.

ಇಂದು, ಬ್ರೆಂಟ್ ಕಚ್ಚಾ ಬ್ಯಾರೆಲ್‌ ಬೆಲೆ $30 ಕ್ಕೆ ಇಳಿದಿದೆ, ಇದು ಕಳೆದ ಕೆಲವು ವರ್ಷಗಳಲ್ಲಿ ಕಾಣಲಾಗುತ್ತಿರುವ ಅತ್ಯಂತ ಕಡಿಮೆ ಬೆಲೆಯಾಗಿದೆ.  ರಷ್ಯಾ ಉತ್ಪಾದನೆಯನ್ನು ಕಡಿತಗೊಳಿಸಲು ನಿರಾಕರಿಸಿದ ನಂತರ ಸೌದಿ ಅರೇಬಿಯಾ ಬೆಲೆ ಯುದ್ಧವನ್ನು ಪ್ರಾರಂಭಿಸಿರುವುದರಿಂದ ಮತ್ತಷ್ಟು ಕುಸಿಯುವ ನಿರೀಕ್ಷೆಯಿದೆ. ಅಂತರರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಸ್ಥಿರವಾದ ಬೆಲೆಯನ್ನು ಕಾಯ್ದುಕೊಳ್ಳಲು ಸೌದಿ ನೇತೃತ್ವದ OPEC  ದಿನಕ್ಕೆ 1.5 ಮಿಲಿಯನ್ ಬ್ಯಾರೆಲ್ ಅಥವಾ ಒಟ್ಟು ಜಾಗತಿಕ ತೈಲ ಉತ್ಪಾದನೆಯ ಶೇಕಡಾ 1.5 ರಷ್ಟು ಕಡಿತಗೊಳಿಸಲು ಬಯಸಿತು ಮತ್ತು  ಅತಿದೊಡ್ಡ ತೈಲ ರಫ್ತುದಾರರಲ್ಲಿ ಒಬ್ಬನಾದ ರಷ್ಯಾ ಕೂಡ ಇದಕ್ಕೆ ಸಹಕಾರ ನೀಡಬೇಕೆಂದು ಬಯಸಿತು. ಆದರೆ, ಯುಎಸ್ ಶೇಲ್ ಆಯಿಲ್ ಉದ್ಯಮವನ್ನು ನಾಶಮಾಡಲು ಮತ್ತು ಟ್ರಂಪ್‌ಗೆ ಪಾಠ ಕಲಿಸುವ ಸಲುವಾಗಿ ರಷ್ಯಾ ಇದನ್ನು ನಿರಾಕರಿಸಿತು ಮತ್ತು ಇದು ಬೆಲೆ ಯುದ್ಧಗಳಿಗೆ ನಾಂದಿ ಹಾಡಿತು. ಸೌದಿ ಬೆಲೆಗಳ ಮೇಲೆ ರಿಯಾಯಿತಿ ಮತ್ತು ಉತ್ಪಾದನೆಯ ಹೆಚ್ಚಳವನ್ನು ಘೋಷಿಸಿತು, ಇದು ಬೆಲೆಯನ್ನು ಪ್ರತಿ ಬ್ಯಾರೆಲ್‌ಗೆ $ 30 ಕ್ಕೆ ಇಳಿಸಿತು.

ತಾನು ಕಷ್ಟಪಟ್ಟು ಸಂಪಾದಿಸಿದ ವಿದೇಶಿ ವಿನಿಮಯವನ್ನು ತೈಲ ಖರೀದಿಗೆ ಖರ್ಚು ಮಾಡುವ ಭಾರತ, ಬೆಲೆ ಕುಸಿತದೊಂದಿಗೆ ಶತಕೋಟಿ ಡಾಲರ್‌ಗಳನ್ನು ಉಳಿಸಲು ಮುಂದಾಗಿದೆ. ಪ್ರತಿ ಬ್ಯಾರೆಲ್‌ಗೆ 10 ಡಾಲರ್‌ಗಳಷ್ಟು ಕುಸಿತದೊಂದಿಗೆ, ದೇಶವು $2.5 ಬಿಲಿಯನ್ ಇಂಧನ ಸಬ್ಸಿಡಿಗಳನ್ನು ಉಳಿಸಲಿದೆ.  ಬೆಲೆಗಳ ಕುಸಿತದಿಂದ ಗ್ರಾಹಕರಿಗೆ ಮಾತ್ರವಲ್ಲದೆ ಭಾರತ ಸರ್ಕಾರಕ್ಕೂ ಲಾಭವಾಗಲಿದೆ.

ಕಳೆದ ಹಣಕಾಸು ವರ್ಷದಲ್ಲಿ ಭಾರತವು ತೈಲ ಬಿಲ್‌ಗಳಿಗಾಗಿ $111 ಬಿಲಿಯನ್ ಡಾಲರ್ ಅಥವಾ ಒಟ್ಟು ಆಮದಿನ ಶೇಕಡಾ 22.2 ರಷ್ಟು ಖರ್ಚು ಮಾಡಿದೆ. ಕಳೆದ ವರ್ಷದ ಬೆಲೆಗೆ ಹೋಲಿಸಿದರೆ ಈ ವರ್ಷ ಅರ್ಧದಷ್ಟು ತೈಲ ಬೆಲೆ ಕುಸಿತವಾಗಿದೆ, ಇದರೊಂದಿಗೆ ದೇಶವು ಸುಮಾರು 50 ಬಿಲಿಯನ್ ಹಣವನ್ನು ಉಳಿಸುತ್ತದೆ ಮತ್ತು ಈ ಹಣವನ್ನು ದೇಶದ ಮೂಲಸೌಕರ್ಯ ಕನಸಿಗೆ ಹಣಕಾಸು ಒದಗಿಸಲು ಖರ್ಚು ಮಾಡಬಹುದು.

ಬಿಜೆಪಿಯು 2019 ರ ಸಾರ್ವತ್ರಿಕ ಚುನಾವಣಾ ಪ್ರಣಾಳಿಕೆಯಲ್ಲಿ ಭರವಸೆ ನೀಡಿದಂತೆ ಮುಂದಿನ ಐದು ವರ್ಷಗಳಲ್ಲಿ 102 ಟ್ರಿಲಿಯನ್ ರೂಪಾಯಿಗಳನ್ನು ಮೂಲಸೌಕರ್ಯಕ್ಕಾಗಿ ಖರ್ಚು ಮಾಡಲು ಮೋದಿ ಸರ್ಕಾರ ನಿರ್ಧರಿಸಿದೆ. ಈ ವರ್ಷದ ಜನವರಿಯಲ್ಲಿ, ಹಣಕಾಸು ಸಚಿವ ನಿರ್ಮಲಾ ಸೀತಾರಾಮನ್ ಅವರು ರಾಷ್ಟ್ರೀಯ ಮೂಲಸೌಕರ್ಯ ಪೈಪ್‌ಲೈನ್ (ಎನ್‌ಐಪಿ) ಯನ್ನು ಪ್ರಾರಂಭಿಸಿದರು, ಇದರ ಅಡಿಯಲ್ಲಿ ಸರ್ಕಾರವು 18 ರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶಗಳಲ್ಲಿ 23 ವಲಯಗಳನ್ನು ಗುರುತಿಸಿದೆ, ಅಲ್ಲಿ ಮುಂದಿನ ಐದು ವರ್ಷಗಳವರೆಗೆ 102 ಟ್ರಿಲಿಯನ್ ರೂಪಾಯಿ ಹೂಡಿಕೆಯ ಯೋಜನೆಗಳನ್ನು ಯೋಜಿಸಲಾಗಿದೆ.

ತೈಲ ಬೆಲೆಗಳು ಪ್ರಸ್ತುತ ದರದಲ್ಲಿ ಸ್ಥಿರವಾಗಿದ್ದರೆ, ದೇಶವು ಪ್ರತಿವರ್ಷ $50 ಬಿಲಿಯನ್ ಅಥವಾ 3 ಲಕ್ಷ ಕೋಟಿ ರೂಪಾಯಿಗಳನ್ನು ಉಳಿಸುತ್ತದೆ ಮತ್ತು ಇದರರ್ಥ ಸರ್ಕಾರವು ಮೂಲಸೌಕರ್ಯದಲ್ಲಿ ತನ್ನ ಕೊಡುಗೆಯನ್ನು ದ್ವಿಗುಣಗೊಳಿಸಬಹುದು ಮತ್ತು ಖಾಸಗಿ ವಲಯದ ಮೇಲಿನ ಅವಲಂಬನೆಯನ್ನು ಕಡಿಮೆ ಮಾಡಬಹುದು.

ಭಾರತದ ಮೂಲಸೌಕರ್ಯ ಕನಸನ್ನು ಬೆಂಬಲಿಸುವ ಎರಡನೇ ಅಂಶವೆಂದರೆ ಜಾಗತಿಕ ಮಾರುಕಟ್ಟೆಯಲ್ಲಿ ಅಗ್ಗದ ಬಂಡವಾಳದ ಲಭ್ಯತೆ. ಇಂದು, ಯು.ಎಸ್. ಸರ್ಕಾರದ ಬಾಂಡ್‌ಗಳು ಶೂನ್ಯಕ್ಕೆ ಹತ್ತಿರವಿರುವ ಬಡ್ಡಿದರದಲ್ಲಿ ವಹಿವಾಟು ನಡೆಸುತ್ತಿವೆ, ಅಂದರೆ, ಬಾಂಡ್‌ಗಳಲ್ಲಿ ಹೂಡಿಕೆ ಮಾಡಲು ಸರ್ಕಾರವು ನಮಗೆ ಒಂದು ಪೈಸೆಯನ್ನೂ ನೀಡುವುದಿಲ್ಲ ಮತ್ತು ಅದು ಕೇವಲ ನಮ್ಮ ಹಣವನ್ನು ಸುರಕ್ಷಿತವಾಗಿರಿಸುತ್ತದೆ. ಬಹುಪಾಲು ಅಭಿವೃದ್ಧಿ ಹೊಂದಿದ ದೇಶಗಳಲ್ಲಿನ ಬಡ್ಡಿದರಗಳು ಶೂನ್ಯ ಅಥವಾ ಋಣಾತ್ಮಕವಾಗಿರುತ್ತದೆ, ಹೀಗಾಗಿ ಹೂಡಿಕೆದಾರರು ಯಾವುದೇ ಯೋಜನೆಯಲ್ಲಿ ಕನಿಷ್ಠ ಆದಾಯವನ್ನು ಪಡೆಯುವ ಮಾರ್ಗಗಳನ್ನು ಹುಡುಕುತ್ತಿರುತ್ತಾರೆ.

ಜಾಗತಿಕ ಮಾರುಕಟ್ಟೆಯು ಅಗ್ಗದ ಹೆಚ್ಚುವರಿ ಬಂಡವಾಳದೊಂದಿಗೆ ತೇಲುತ್ತಿದೆ ಮತ್ತು ಭಾರತದಂತಹ ಅಭಿವೃದ್ಧಿಶೀಲ ಆರ್ಥಿಕತೆಗಳು ಈ ಅಗ್ಗದ ಬಂಡವಾಳವನ್ನು ತನ್ನ ಮೂಲಸೌಕರ್ಯ ಕನಸಿಗೆ ಹಣಕಾಸು ಒದಗಿಸುವ ಮೂಲವಾಗಿ ನೋಡುತ್ತದೆ. 102 ಟ್ರಿಲಿಯನ್ ರೂಪಾಯಿಗಳ ವೆಚ್ಚದಲ್ಲಿ ಶೇ. 39 ರಷ್ಟು ಕೇಂದ್ರ ಸರ್ಕಾರದಿಂದ ಬರಲಿದೆ ಎಂದು ಹಣಕಾಸು ಸಚಿವರು ಹೇಳಿದ್ದಾರೆ, ಇಷ್ಟೇ ಮೊತ್ತವನ್ನು ರಾಜ್ಯ ಸರ್ಕಾರಗಳು ಖರ್ಚು ಮಾಡುತ್ತವೆ ಮತ್ತು ಉಳಿದವು 22 ಶೇ. ಖಾಸಗಿ ವಲಯದಿಂದ ಬರುತ್ತವೆ.

ಮುಂದಿನ ಐದು ವರ್ಷಗಳಲ್ಲಿ $100 ಟ್ರಿಲಿಯನ್ ಹೂಡಿಕೆ ಮಾಡುವ ಮೋದಿ ಸರ್ಕಾರದ ಮಹತ್ವಾಕಾಂಕ್ಷೆಯ ಗುರಿಯು 2024ರ ವೇಳೆಗೆ ಭಾರತವನ್ನು $ 5 ಟ್ರಿಲಿಯನ್ ಆರ್ಥಿಕತೆಯನ್ನಾಗಿ ಮಾಡಲು ಸಹಾಯ ಮಾಡುತ್ತದೆ. ಮೂಲಸೌಕರ್ಯದಲ್ಲಿನ ಹೂಡಿಕೆಯು ನಿರಂತರ ಆರ್ಥಿಕ ಬೆಳವಣಿಗೆಗೆ ಅತ್ಯಂತ ನಿರ್ಣಾಯಕ ಅಂಶವಾಗಿದೆ ಎಂಬುದನ್ನು ಚೀನಾ ಮತ್ತು ಇತರ ಪೂರ್ವ ಏಷ್ಯಾದ ಆರ್ಥಿಕತೆಗಳ ಆದ್ಯತೆಯು ತೋರಿಸುತ್ತದೆ. ಅಗ್ಗದ ತೈಲ ಮತ್ತು ಅಗ್ಗದ ಬಂಡವಾಳಕ್ಕೆ ಜಾಗತಿಕ ಪರಿಸರವು ಅನುಕೂಲಕರವಾಗಿದೆ ಎಂಬ ಅಂಶವನ್ನು ಗಮನಿಸಿದರೆ, ಸರ್ಕಾರವು ಮೂಲಸೌಕರ್ಯದಲ್ಲಿ ತನ್ನ ಹೂಡಿಕೆಯನ್ನು ಹೆಚ್ಚಿಸಬಹುದು ಮತ್ತು ಅದಕ್ಕಾಗಿ ಜಾಗತಿಕ ಬಂಡವಾಳವನ್ನು ಸ್ಪರ್ಶಿಸಬಹುದು.