ನವದೆಹಲಿ: ‘ಪಯ್ಯೋಲಿ ಎಕ್ಸ್ಪ್ರೆಸ್’ ಎಂದೇ ಖ್ಯಾತರಾಗಿರುವ ಓಟಗಾರ್ತಿ ಪಿ.ಟಿ ಉಷಾ ಅವರರಿಗೆ ಪ್ರತಿಷ್ಠಿತ IAAF ವೆಟರನ್ ಪಿನ್ ಅವಾರ್ಡ್ ಅನ್ನು ಪ್ರದಾನಿಸಲಾಗಿದೆ. ವರ್ಲ್ಡ್ ಅಥ್ಲೆಟಿಕ್ಸ್ ಗವರ್ನಿಂಗ್ ಬಾಡಿ, ಇಂಟರ್ನ್ಯಾಷನಲ್ ಅಸೋಸಿಯೇಶನ್ ಆಫ್ ಅಥ್ಲೆಟಿಕ್ ಫೆಡರೇಶನ್ಸ್, ಐಎಎಎಫ್ ಜೊತೆಗೂಡಿ ಭಾರತದ ಟ್ರ್ಯಾಕ್ ಮತ್ತು ಫೀಲ್ಡ್ ಲೆಜೆಂಡ್ ಆಗಿರುವ ಉಷಾ ಅವರನ್ನು ಈ ಪ್ರಶಸ್ತಿ ನೀಡಿ ಗೌರವಿಸಿದೆ. ಕ್ರೀಡೆಯ ಬೆಳವಣಿಗೆಗೆ ನೀಡಿದ ಕೊಡುಗೆಯನ್ನು ಗುರುತಿಸಿ ಅವರಿಗೆ ಈ ಪುರಸ್ಕಾರ ನೀಡಲಾಗಿದೆ.
ಈ ಗೌರವವನ್ನು ಪಡೆದ ಏಷ್ಯಾದ ಮೂವರಲ್ಲಿ ಉಷಾ ಕೂಡ ಒಬ್ಬರಾಗಿ ಹೊರಹೊಮ್ಮಿದ್ದಾರೆ. ದೋಹಾದಲ್ಲಿ ನಡೆದ 52 ನೇ ಐಎಎಎಫ್ ಕಾಂಗ್ರೆಸ್ ಸಂದರ್ಭದಲ್ಲಿ ಐಎಎಎಫ್ ಮುಖ್ಯಸ್ಥ ಸೆಬಾಸ್ಟಿಯನ್ ಕೋ ಅವರು ವೆಟರನ್ ಪಿನ್ ಅವಾರ್ಡ್ ಅನ್ನು ಪ್ರದಾನಿಸಿದರು.
ಟ್ರ್ಯಾಕ್ ಆ್ಯಂಡ್ ಫೀಲ್ಡ್ ಕ್ವೀನ್ ಎಂದು ಕರೆಯಲ್ಪಡುವ ಉಷಾ ಭಾರತದಿಂದ ಹೊರಹೊಮ್ಮಿದ ಶ್ರೇಷ್ಠ ಸ್ಪ್ರಿಂಟರ್ಗಳಲ್ಲಿ ಒಬ್ಬರು. 1982 ರ ನವದೆಹಲಿ ಏಷ್ಯನ್ ಕ್ರೀಡಾಕೂಟದಲ್ಲಿ ಅವರು 100 ಮೀ ಮತ್ತು 200 ಮೀ ಓಟಗಳಲ್ಲಿ ಬೆಳ್ಳಿ ಪದಕಗಳನ್ನು ಗೆದ್ದುಕೊಂಡಿದ್ದರು. 1983 ರಲ್ಲಿ ಕುವೈತ್ ಸಿಟಿಯಲ್ಲಿ ನಡೆದ ಏಷ್ಯನ್ ಚಾಂಪಿಯನ್‌ಶಿಪ್‌ನಲ್ಲಿ ಅವರು 400 ಮೀ.ಓಟದಲ್ಲಿ ಬಂಗಾರ ಜಯಿಸಿದ್ದರು. 1985 ರ ಜಕಾರ್ತಾ ಏಷ್ಯನ್ ಚಾಂಪಿಯನ್‌ಶಿಪ್‌ನಲ್ಲಿ ಉಷಾ ಆರು ಪದಕಗಳನ್ನು ಗೆದ್ದಕೊಂಡಿದ್ದರು. ಇದರಲ್ಲಿ ಐದು ಚಿನ್ನ ಮತ್ತು ಕಂಚು ಆಗಿದೆ.
“पायोली एक्सप्रेस” के नाम से विख्यात भारत की पूर्व एथलिट और ओलम्पियन @PTUshaOfficial जी को IAAF वेटरन पिन अवार्ड से सम्मानित किये जाने पर हार्दिक बधाई। #PTUsha #Athletics pic.twitter.com/U1cScJ5kWc
— Shivshankar Singh (@ShivShankarSBJP) September 25, 2019
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
