ನವದೆಹಲಿ: ರಾಜೇಂದ್ರ ಪ್ರಸಾದ್ ಅವರು ರಾಷ್ಟ್ರಪತಿಯಾಗುವುದನ್ನು ತಡೆಯಲು ಮಾಜಿ ಪ್ರಧಾನಿ ಜವಹಾರ್ ಲಾಲ್ ನೆಹರು ಅವರು ಸಾಕಷ್ಟು ಪ್ರಯತ್ನಿಸಿದ್ದರು ಎಂದು ಗುಪ್ತಚರ ಇಲಾಖೆಯ ಮಾಜಿ ಅಧಿಕಾರಿ ಆರ್.ಎನ್.ಪಿ.ಸಿಂಗ್ ತಿಳಿಸಿದ್ದಾರೆ.
ತಮ್ಮ ‘ನೆಹರು: ದಿ ಟ್ರಬಲ್ಡ್ ಲೆಗೆಸಿ’ ಎಂಬ ಪುಸ್ತಕದಲ್ಲಿ ಸಿಂಗ್ ಈ ಬಗ್ಗೆ ಹೇಳಿಕೊಂಡಿದ್ದಾರೆ. ಈ ಪುಸ್ತಕದಲ್ಲಿ ಮಹಾತ್ಮ ಗಾಂಧಿ, ನೆಹರು, ಪಟೇಲ್ ಮತ್ತಿತರರು ಬರೆದ ಪತ್ರವೂ ಇದೆ.
ಸ್ವಾತಂತ್ರ್ಯದ ಬಳಿಕ ಪ್ರಸಾದ್ ಅವರು ರಾಷ್ಟ್ರಪತಿಯಾಗುವುದನ್ನು ತಡೆಯಲು ನೆಹರು ಹಲವಾರು ಪ್ರಯತ್ನಗಳನ್ನು ನಡೆಸಿದ್ದರು, ಅದರಲ್ಲಿ ಗಲಭೆ ಬಗ್ಗೆ ಸುಳ್ಳು ಹೇಳಿದ್ದು ಕೂಡ ಒಂದು ಎಂದು ಸಿಂಗ್ ತಮ್ಮ ಪುಸ್ತಕದಲ್ಲಿ ಬರೆದಿದ್ದಾರೆ.
ಅಲ್ಲದೇ 1949, ಸೆ.10ರಂದು ನೆಹರು ರಾಜೇಂದ್ರ ಪ್ರಸಾದ್ ಅವರಿಗೆ ಪತ್ರ ಬರೆದಿದ್ದು ಇದರಲ್ಲಿ, ನಾನು ಮತ್ತು ಸರ್ದಾರ್ ಪಟೇಲ್ ರಾಷ್ಟ್ರಪತಿ ಹುದ್ದೆಗೆ ಸಿ.ರಾಜಗೋಪಾಲಚಾರಿ ಅವರನ್ನು ನೇಮಿಸುವುದರಲ್ಲಿದ್ದೆವು ಎಂದು ತಿಳಿಸಿದ್ದಾರೆ, ಇದು ಪ್ರಸಾದ್ ಅವರಿಗೆ ತೀವ್ರ ನೋವುಂಟು ಮಾಡಿತ್ತು. ಈ ಪತ್ರದ ಪ್ರತಿ ತೆಗೆದು ಪಟೇಲ್ ಅವರಿಗೆ ಪ್ರಸಾದ್ ಕಳುಹಿಸಿದ್ದರು, ಇದನ್ನು ಕಂಡು ಪಟೇಲ್ ಆಘಾತ ವ್ಯಕ್ತಪಡಿಸಿದ್ದರು ಎಂದು ಪುಸ್ತಕದಲ್ಲಿ ಹೇಳಲಾಗಿದೆ.
ತನ್ನ ಪತ್ರ ಬಹಿರಂಗಗೊಂಡಿದ್ದನ್ನು ಕಂಡು ಗಲಿಬಿಗೊಳಗಾದ ನೆಹರು ಬಳಿಕ ಎಲ್ಲಾ ಆರೋಪವನ್ನು ಪಟೇಲ್ ಮೇಲೆ ಹಾಕಲು ಯತ್ನಿಸಿದ್ದರು ಎಂದು ದೂರಲಾಗಿದೆ.
ಈ ಪುಸ್ತಕ ಮತ್ತೊಮ್ಮೆ ಕಾಂಗ್ರೆಸ್ನ್ನು ತೀವ್ರ ಮುಜುಗರಕ್ಕೊಳಪಡಿಸಿದೆ.
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.