ನ್ಯೂಯಾರ್ಕ್: ಅಮೆರಿಕಾದ ನಂ.1 ಅಟೋಮೇಕರ್ ಜನರಲ್ ಮೋಟಾರ‍್ಸ್ ಕೋ ಸಂಸ್ಥೆಯ ಹಣಕಾಸು ಮುಖ್ಯಸ್ಥೆಯಾಗಿ ಭಾರತೀಯ ಸಂಜಾತೆ ದಿವ್ಯಾ ಸೂರ್ಯದೇವರ ಅವರು ನೇಮಕಗೊಂಡಿದ್ದಾರೆ.
ಕಾರ್ಪೋರೇಟ್ ಫಿನಾನ್ಸ್‌ನ ಅಧ್ಯಕ್ಷೆಯಾಗಿದ್ದ ಇವರು ಜನರಲ್ ಮೋಟಾರ‍್ಸ್ ಕೋ ಸಂಸ್ಥೆಯ ಹಣಕಾಸು ಮುಖ್ಯಸ್ಥರಾಗಿದ್ದ ಚುಕ್ ಸ್ಟೀವನ್ಸ್ ಅವರ ಉತ್ತರಾಧಿಕಾರಿಯಾಗಿ ನೇಮಕಗೊಂಡಿದ್ದಾರೆ. ಈ ವರ್ಷದ ಸೆ.1ಕ್ಕೆ ಅಧಿಕಾರ ಸ್ವೀಕರಿಸಲಿದ್ದಾರೆ.
39 ವರ್ಷದ ದಿವ್ಯಾ ನಮ್ಮ ಸಂಸ್ಥೆಯ ಕೆಲವೊಂದು ಮಹತ್ವದ ಒಪ್ಪಂದಗಳಲ್ಲಿ ಮಹತ್ವದ ಪಾತ್ರವನ್ನು ನಿಭಾಯಿಸಿದ್ದಾರೆ. ಅದರ ಕಾರ್ಯಾಚರಣೆಯಲ್ಲಿ ರಚನಾತ್ಮಕ ಬದಲಾವಣೆ ತಂದಿದ್ದಾರೆ’ ಎಂದು ಜನರಲ್ ಮೋಟಾರ‍್ಸ್ ಹೇಳಿದೆ.
ಭಾರತದಲ್ಲಿ ಹುಟ್ಟಿ ಬೆಳೆದ ಇವರು, ಮದ್ರಾಸ್ ವಿಶ್ವವಿದ್ಯಾಲಯದಲ್ಲಿ ಪದವಿ ಪೂರೈಸಿದ್ದರು. ಬಳಿಕ ಉನ್ನತ ವ್ಯಾಸಂಗಕ್ಕಾಗಿ ಹಾರ್ವರ್ಡ್ ವಿಶ್ವವಿದ್ಯಾಲಯಕ್ಕೆ ಸೇರ್ಪಡೆಯಾಗಿ ಎಂಬಿಎ ಪದವಿ ಪಡೆದರು.
2016ರಲ್ಲಿ ಅಟೊಮೋಟಿವ್ ನ್ಯೂಸ್ ರೈಸಿಂಗ್ ಸ್ಟಾರ್ ಆಗಿ ಇವರು ಹೊರಹೊಮ್ಮಿದರು ಮತ್ತು ಕಳೆದ ವರ್ಷ ಕ್ರೇನ್‌ನ ಡಿಟ್ರಾಯ್ಟ್ 40 ಅಂಡರ್ 40 ವಿಜೇತರಾದರು.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
