ಲಕ್ನೋ: 2022 ರ ವಿಧಾನಸಭಾ ಚುನಾವಣೆಗೆ ಸೆಮಿಫೈನಲ್ ಎಂದೇ ಬಿಂಬಿತವಾಗಿರುವ ನಾಲ್ಕು ಹಂತದ ಉತ್ತರ ಪ್ರದೇಶ ಪಂಚಾಯತ್ ಚುನಾವಣೆ 2021 ರ ಮೊದಲ ಮತದಾನವು 18 ಜಿಲ್ಲೆಗಳಲ್ಲಿ ಗುರುವಾರ ಮತಪತ್ರಗಳ ಮೂಲಕ ನಡೆಯುತ್ತಿದೆ. ಬೆಳಿಗ್ಗೆ 7 ಗಂಟೆ ಸುಮಾರಿಗೆ ಮತದಾನ ಪ್ರಾರಂಭವಾಗಿದೆ, ಸಂಜೆ 6 ಗಂಟೆಗೆ ಮುಕ್ತಾಯಗೊಳ್ಳಲಿದೆ.
ಜಿಲಾ ಪಂಚಾಯತ್ (ಜಿಲ್ಲಾ ಮಂಡಳಿ) ಸದಸ್ಯ ಸ್ಥಾನ, ಕ್ಷೇತ್ರ (ಬ್ಲಾಕ್) ಪಂಚಾಯತ್ ಸದಸ್ಯ ಸ್ಥಾನ, ಗ್ರಾಮ ಪಂಚಾಯಿತಿ ಮುಖ್ಯಸ್ಥ ಸ್ಥಾನ ಮತ್ತು ವಾರ್ಡ್‌ಗಳಿಗೆ ಮೊದಲ ಹಂತದಲ್ಲಿ 2.21 ಲಕ್ಷಕ್ಕೂ ಹೆಚ್ಚು ಸ್ಥಾನಗಳಲ್ಲಿ 3.33 ಲಕ್ಷಕ್ಕೂ ಹೆಚ್ಚು ಅಭ್ಯರ್ಥಿಗಳು ಕಣದಲ್ಲಿದ್ದಾರೆ.
ಅಯೋಧ್ಯೆ, ಆಗ್ರಾ, ಕಾನ್ಪುರ್, ಗಾಜಿಯಾಬಾದ್, ಗೋರಖ್‌ಪುರ, ಜಾನ್‌ಪುರ್, ಝಾನ್ಸಿ, ಅಲಹಾಬಾದ್, ಬರೇಲಿ, ಭಾದೋಹಿ, ಮಹೋಬಾ, ರಾಂಪುರ್, ರಾಬರೆಲಿ, ಶ್ರಾವಸ್ತಿ, ಸಂತ ಕಬೀರ್ ನಗರ, ಹಾರ್ಡ್ ಸಹರಾಸ್‌ಗಳಲ್ಲಿ ಚುನಾವಣೆ ನಡೆಯಲಿದೆ.
ಜಿಲಾ ಪಂಚಾಯತ್ ಸದಸ್ಯರ ಹುದ್ದೆಗೆ 779 ವಾರ್ಡ್‌ಗಳಿಂದ 11,442 ಅಭ್ಯರ್ಥಿಗಳು ಕಣದಲ್ಲಿದ್ದರೆ, ಕ್ಷೇತ್ರ ಪಂಚಾಯಿತಿಗಳ 19,313 ವಾರ್ಡ್‌ಗಳಲ್ಲಿ 81,747 ಅಭ್ಯರ್ಥಿಗಳು ಸ್ಪರ್ಧಿಸುತ್ತಿದ್ದಾರೆ.
ಗ್ರಾಮ ಪಂಚಾಯಿತಿಗೆ 14,789 ಹುದ್ದೆಗಳಿಗೆ 1,14,142 ಅಭ್ಯರ್ಥಿಗಳಿದ್ದಾರೆ. ಗ್ರಾಮ ಪಂಚಾಯಿತಿ ವಾರ್ಡ್‌ಗಳಿಗೆ 1,86,583 ಸ್ಥಾನಗಳಿಗೆ 1,26,613 ಅಭ್ಯರ್ಥಿಗಳಿದ್ದಾರೆ.
ಬಿಜೆಪಿ, ಬಿಎಸ್‌ಪಿ, ಸಮಾಜವಾದಿ ಪಕ್ಷ ಮತ್ತು ಕಾಂಗ್ರೆಸ್ ಮುಂತಾದ ಪಕ್ಷಗಳಲ್ಲದೆ, ಎಐಐಎಂಐಎಂ, ಆಮ್ ಆದ್ಮಿ ಪಕ್ಷ ಮತ್ತು ಭೀಮ್ ಸೇನೆಯ ಮುಖ್ಯಸ್ಥ ಚಂದ್ರಶೇಖರ್ ಆಜಾದ್ ಅವರ ಆಜಾದ್ ಸಮಾಜ ಪಾರ್ಟಿಗಳು ಯುಪಿ ರಾಜ್ಯಕ್ಕೆ ಈ ಚುನಾವಣೆ ಮೂಲಕ ಪಾದಾರ್ಪಣೆ ಮಾಡುತ್ತಿವೆ. ಎಐಐಎಂಐಎಂ ಸುಹೇಲ್ದೇವ್ ಭಾರತೀಯ ಸಮಾಜ ಪಕ್ಷದೊಂದಿಗೆ ಚುನಾವಣೆಯಲ್ಲಿ ಸ್ಪರ್ಧಿಸಲಿದೆ.
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
