ನವದೆಹಲಿ: ಮೇಡ್ ಇನ್ ಇಂಡಿಯಾ ಕೋವಿಡ್ -19 ಲಸಿಕೆಗಳು ನಿನ್ನೆ ಯುಎನ್ ಶಾಂತಿಪಾಲನಾ ಸಿಬ್ಬಂದಿಗಾಗಿ ಡೆನ್ಮಾರ್ಕ್ಗೆ ಬಂದಿಳಿದವು. ಭಾರತದಿಂದ 2 ಲಕ್ಷ ಕೋವಿಡ್- 19 ಲಸಿಕೆ ಡೋಸ್ ಅನ್ನು ಶನಿವಾರ ಡೆನ್ಮಾರ್ಕ್ಗೆ ರವಾನಿಸಲಾಗಿತ್ತು.
ಯುಎನ್ ಶಾಂತಿಪಾಲನೆಯಲ್ಲಿ ಭಾರತವು ದೀರ್ಘಕಾಲದ ಮತ್ತು ಸ್ಥಿರ ಬೆಂಬಲಿಗನಾಗಿದೆ ಎಂದಿರುವ ಯುಎನ್ ಶಾಂತಿ ಪಾಲನಾ ಕಾರ್ಯಾಚರಣೆಗಳ ಅಂಡರ್-ಸೆಕ್ರೆಟರಿ ಜನರಲ್ ಜೀನ್-ಪಿಯೆರ್ ಲ್ಯಾಕ್ರೊಯಿಕ್ಸ್ ಅವರು, ಶಾಂತಿಪಾಲನಾ ಸಿಬ್ಬಂದಿಗೆ ಅನುಕೂಲವಾಗುವಂತೆ ಮತ್ತು ಜೀವ ಉಳಿಸುವ ಕೆಲಸವನ್ನು ಅವರು ಸುರಕ್ಷಿತ ರೀತಿಯಲ್ಲಿ ಮುಂದುವರಿಸಲು ಅನುವು ಮಾಡಿಕೊಡುವ ಸಲುವಾಗಿ ಭಾರತವು ಉದಾರವಾಗಿ ಕೋವಿಡ್-19 ಲಸಿಕೆಗಳನ್ನು ದಾನ ಮಾಡಿದೆ ಎಂದಿದ್ದಾರೆ.
ಅಲ್ಲದೇ, ನೆರವಿಗಾಗಿ ಅವರು ಭಾರತ ಸರ್ಕಾರ ಮತ್ತು ಭಾರತದ ಜನರಿಗೆ ಧನ್ಯವಾದ ತಿಳಿಸಿದ್ದಾರೆ.
ಯುಎನ್ ಕಾರ್ಯಾಚರಣಾ ಬೆಂಬಲ ಇಲಾಖೆ ಪ್ರಧಾನ ಕಾರ್ಯದರ್ಶಿ ಅತುಲ್ ಖರೆ ಮಾತನಾಡಿ, ಯುಎನ್ ಶಾಂತಿಪಾಲಕರು ಆರೋಗ್ಯವಾಗಿರಲು ಮತ್ತು ವಿಶ್ವದ ಕೆಲವು ಕಠಿಣ ವಾತಾವರಣದಲ್ಲಿ ಕಾರ್ನಿರ್ವಹಿಸಲು ಸಮರ್ಥರಾಗಿದ್ದಾರೆ ಎಂದು ಖಚಿತಪಡಿಸಿಕೊಳ್ಳಲು ಈ ಮಹತ್ವದ ಕೊಡುಗೆ ನಮಗೆ ಅವಕಾಶ ನೀಡಿದೆ ಎಂದಿದ್ದಾರೆ.
ಯುನೈಟೆಡ್ ನೇಷನ್ ರೆಸಿಡೆಂಟ್ ಕೋಆರ್ಡಿನೇಟರ್ ಇಂಡಿಯಾ ರೆನಾಟಾ ಡೆಸ್ಸಾಲಿಯನ್ ಮಾತನಾಡಿ, ಐಕಮತ್ಯ ಮತ್ತು ಬೆಂಬಲದ ಈ ಉದಾರ ಕಾರ್ಯಕ್ಕಾಗಿ ಯುಎನ್ ಭಾರತಕ್ಕೆ ಹೃತ್ಪೂರ್ವಕವಾಗಿ ಧನ್ಯವಾದಗಳನ್ನು ಅರ್ಪಿಸುತ್ತದೆ. ಬಹುಪಕ್ಷೀಯತೆಗೆ, ಜಾಗತಿಕ ಶಾಂತ ಮತ್ತು ವಿಶೇಷವಾಗಿ ವಿಶ್ವಸಂಸ್ಥೆಗಾಗಿ ಭಾರತದ ಬಲವಾದ ಬದ್ಧತೆಯನ್ನು ಇದು ಪ್ರತಿಬಿಂಬಿಸುತ್ತದೆ ಎಂದಿದ್ದಾರೆ.
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.