ನವದೆಹಲಿ: ಕೇಂದ್ರ ಸರ್ಕಾರದ ನೋಟು ನಿಷೇಧದ ನಂತರ ಸಾವಿರಾರು ಜನ್-ಧನ್ ಖಾತೆಗಳಲ್ಲಿ ಈವರೆಗೆ ಸುಮಾರು 21 ಸಾವಿರ ಕೋಟಿ ರೂ.ಗೂ ಹೆಚ್ಚು ಹಣವನ್ನು ಠೇವಣಿ ಮಾಡಲಾಗಿದ್ದು, ಇದೀಗ ಜನ್ ದನ್ ಖಾತೆಗಳ ಮೇಲೆ ಕೇಂದ್ರ ಸರ್ಕಾರ ತೀವ್ರ ನಿಗಾ ಇರಿಸಿದೆ.
ವರದಿಗಳ ಪ್ರಕಾರ ಪಶ್ಚಿಮ ಬಂಗಾಳ ಮತ್ತು ಕರ್ನಾಟಕದಲ್ಲಿ ಅತ್ಯಧಿಕ ಮಟ್ಟದಲ್ಲಿ ಠೇವಣಿ ಮಾಡಲಾಗಿದೆ ಎಂದು ತಿಳಿದು ಬಂದಿದೆ.
ಕಳೆದ ವಾರವಷ್ಟೇ ಕೇಂದ್ರ ಸರ್ಕಾರ ಜನ್ ಧನ್ ಖಾತೆದಾರರು, ಗೃಹಿಣಿಯರು, ಕುಶಲಕರ್ಮಿಗಳು ಡಿ.೩೦ರ ವರೆಗೆ ಕಪ್ಪು ಹಣ ಠೇವಣಿ ಮೂಲಕ ತಮ್ಮ ಖಾತೆಗಳ ದುರುಪಯೋಗ ಮಾಡಿದಲ್ಲಿ ಆದಾಯ ತೆರಿಗೆ (ಐ-ಟಿ) ಕಾಯಿದೆಯಡಿ ವಿಚಾರಣೆ ನಡೆಸಲಾಗುವುದು ಎಂದು ಎಚ್ಚರಿಕೆ ನೀಡಿತ್ತು.
ಕೆಲವು ಕಳಂಕಿತರು ಇತರ ವ್ಯಕ್ತಿಗಳ ಬ್ಯಾಂಕ್ ಖಾತೆಗಳಲ್ಲಿ ತಮ್ಮ ಕಪ್ಪುಹಣವನ್ನು ಠೇವಣಿ ಮಾಡುವ ಮೂಲಕ ಅದನ್ನು ಪರಿವರ್ತಿಸಲು ಪ್ರಯತ್ನಿಸುತ್ತಿದ್ದಾರೆ. ಇನ್ನು ಕೆಲವರು ಬಹುಮಾನ ಧನ ನೀಡಿ ದುರುಪಯೋಗದ ಅವಕಾಶ ಕಲ್ಪಿಸುತ್ತಿದ್ದಾರೆ ಎಂಬ ವರದಿಗಳ ಹಿನ್ನೆಲೆಯಲ್ಲಿ ಕೇಂದ್ರ ಸರ್ಕಾರ ನಿರ್ದೇಶನ ನೀಡಿದೆ.
ಬ್ಯಾಂಕ್ ಖಾತೆಗಳಲ್ಲಿ 2.5 ಲಕ್ಷದ ವರೆಗೆ ಠೇವಣಿ ಮಾಡಬಹುದಾಗಿದ್ದು, ಇದು ತೆರಿಗೆ ವಿನಾಯಿತಿ ಮಿತಿಗೆ ಒಳಪಟ್ಟಿದೆ. ಆನ್ ಧನ್ ಖಾತೆ ಅಡಿಯಲ್ಲಿ ಖಾತೆದಾರ 50 ಸಾವಿರದ ವರೆಗೆ ಠೇವಣಿ ಮಾಡಬಹುದು. ಆದ್ದರಿಂದ ಇತರರ ಖಾತೆಯಲ್ಲಿ 2.5 ಲಕ್ಷದ ವರೆಗೆ ಜಮಾ ಮಾಡಿದಲ್ಲಿ ತೆರಿಗೆ ಇಲಾಖೆ ಯಾವುದೇ ಕ್ರಮ ತೆಗೆದುಕೊಳ್ಳುವುದಿಲ್ಲ ಎಂಬ ಅನಿಸಿಕೆ ಮೂಡಿದೆ ಎಂದು ತೆರಿಗೆ ಇಲಾಖೆ ಗಮನಿಸಿದೆ.
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.