ನವದೆಹಲಿ: ಬೇರೆಯರ ಖಾತೆಗೆ ತಮ್ಮ ಅಘೋಷಿತ ಹಣವನ್ನು ಜಮೆ ಮಾಡಿದಲ್ಲಿ ಬೇನಾಮಿ ಕಾಯಿದೆ ಅಡಿಯಲ್ಲಿ ಅಂತಹವರ ವಿರುದ್ಧ ಬೇನಾಮಿ ವ್ಯವಹಾರ ಕಾಯಿದೆ ಅಡಿದಲ್ಲಿ ದಂಡ, ಕಾನೂನು ಕ್ರಮದೊಂದಿಗೆ ಗರಿಷ್ಠ 7 ವರ್ಷ ಜೈಲು ಶಿಕ್ಷೆ ಆಗಲಿದೆ ಎಂದು ಆದಾಯ ತೆರಿಗೆ ಇಲಾಖೆ ಎಚ್ಚರಿಕೆ ನೀಡಿದೆ.
ಒಂದು ಅಧಿಕೃತ ಬೆಳವಣಿಗೆಯಂತೆ ತೆರಿಗೆ ಇಲಾಖೆ ನಡೆಸಿದ ಸುಮಾರು 80 ಸಮೀಕ್ಷೆಗಳು, 30 ಹುಡುಕಾಟ ಕಾರ್ಯಾಚರಯಲ್ಲಿ ಸುಮಾರು 200 ಕೋಟಿ ರೂ. ಅಘೋಷಿತ ಆದಾಯವನ್ನು ಪತ್ತೆ ಹಚ್ಚಿದೆ. ಅಲ್ಲದೇ ಹಲವು ರಾಜ್ಯಗಳಿಂದ ಸುಮಾರು 50 ಕೋಟಿ ರೂ. ವಶಪಡಿಸಿಕೊಂಡಿದೆ ಎಂದು ಮೂಲಗಳು ತಿಳಿಸಿವೆ.
ತೆರಿಗೆ ಇಲಾಖೆ ದೇಶದಾದ್ಯಂತ ಕಾರ್ಯಾಚರಣೆ ನಡೆಸುತ್ತಿದ್ದು, ಅನುಮಾನಾಸ್ಪದ ಖಾತೆಯ ಮಾಲೀಕರನ್ನು ಬೇನಾಮಿ ವ್ಯವಹಾರ ಕಾಯಿದೆ ೧೯೮೮ ಅಡಿಯಲ್ಲಿ ವಿಚಾರಣೆಗೆ ಒಳಪಡಿಸಲಿದೆ. ಇದು ಸ್ಥಿರ ಮತ್ತು ಚರ ಆಸ್ತಿಗಳಿಗೆ ಅನ್ವಯವಾಗಲಿದೆ.
ತಮ್ಮ ಕಪ್ಪು ಹಣವನ್ನು ಪರಿವರ್ತಿಸಲು ಬೇರೆಯವರ ಖಾತೆಗಳಲ್ಲಿ ರೂ.500 ಮತ್ತು ರೂ.1000 ಮುಖಬೆಲೆಯ ಅಘೋಷಿತ ಹಣ ಜಮೆ ಮಾಡುವರರ ಖಾತೆಗಳ ವ್ಯವಹಾರಗಳ ಮೇಲ್ವಿಚಾರಣೆ ನಡೆಸುವಂತೆ ಆದಾಯ ತೆರಿಗೆ ಇಲಾಖೆಗೆ ಸಿಬಿಡಿಟಿ ಸೂಚಿಸಿದೆ.
ಹಳೆ ನೋಟುಗಳ ನಗದನ್ನು ಠೇವಣಿ ಮಾಡುವವರನ್ನು ಪಯೋಜನಕಾರಿ ಮಾಲೀಕರು ಎಂದು ಬಿಂಬಿಸಲಾಗಲಿದ್ದು, ಯಾರ ಖಾತೆಯಲ್ಲಿ ಹಣ ಠೇವಣಿ ಮಾಡಲಾಗಿದೆಯೋ ಅಂತಹವನ್ನು ಬೇನಾಮಿದಾರ್ಎಂದು ಗುರುತಿಸಲಾಗುವುದು ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.